УИХ-ын С.Амарсайхан Хятад компанид 50 га газар олгосон талаар мэдээлэл цахим сүлжээгээр явсан. Үүнтэй холбогдуулан албан ёсны тайлбар өглөө. 

Тэрбээр “Сүүлийн жил гаруйн хугацаанд С.Амарсайхан хотын даргаар ажиллаж байхдаа Хятад улсын компанид 50 га газар олгож, дотоодын тариаланчдын эрх ашигт ноцтой халдаж байна гэдэг үндэслэлгүй мэдээлэл гарч байна. Энэ талаар тайлбар өгье.

Миний бие 2019 оны хоёрдугаар сарын 27-ны өдрөөс 2020 оны зургадугаар сарын 27-ны өдөр хүртэл хотын даргын үүрэгт ажлыг хашсан. Энэ хугацаанд хуулиар олгогдсон эрх, үүргийн хүрээнд газар зохион байгуулалтын ажлаар шийдвэр гаргаж зарим нийтийн эзэмшил газарт орох ёстой газраас эхлээд 158 газрыг шийдвэрлэж, тохижуулахаар шийдвэрлэсэн. Эхнээсээ үйл ажиллагаа нь эхэлж, дуусаж байна.

Жишээлбэл, Сүхбаатарын талбайн өмнөх 2.4 га газар Улаанбаатар хотын банкны мэдэлд 15 жилийн өмнө өгсөн. дараа нь 10 сая долларын барьцаанд тавигдсан байсныг цуцалж, нийтийн эзэмшлийн зориулалтын газраар бүртгэсэн. Мөн Төмөр замын цэцэрлэгт хүрээлэн АТГ-т олгогдсон байсан газрыг буцаан авч цэцэрлэгт хүрээлэнгийн зориулалтаар тохижуулж байна. Хилийн цэргийн дэргэдэх 2.8 га газар аж ахуйн нэгж, байгууллагад олгогдож, олон жил хог шороонд дарагдсан байсныг буцаан авч тохижилтод оруулсан. Богд хааны музей болон Чойжин ламын музейн тохижилт зэрэг олон ажил бий.

Нийтийн эзэмшлийн газраас гадна зарим нэг зохион байгуулалттай гарч байгаагаар Хятад компанид 50 га газар олгосон асуудал байхгүй гэдгийг хариуцлагатай мэдэгдье. Газар олгосон мэтээр үндэслэлгүй мэдээллээр бусдыг гүтгэж байгаад харамсаж байна" гэлээ. 

Б.Лхам