УИХ дахь Төсвийн байнгын хороо Гаалийн албан татварын тухай хуульд өөрчлөлт оруулах хуулийн төслийн талаар хэлэлцэж байна. Энэ үеэр байнгын хороон гишүүд үг хэлж, асуулт асуулаа.

С.Амарсайхан: Нийтийн тээврийн шинэчлэлд дорвитой өөрчлөлт орохоор ажиллаж байгаа. Энэ хүрээнд замын ачааллыг бууруулах, иргэдэд олон төрөлт тээврийн үйлчилгээг санал болгох ажил эхлээд явж байна.

Нийтийн тээврийн шинэчлэлийн хүрээнд өдөрт 370 мянган төгрөгөөр бензин хийж явдаг автобус 30 мянган төгрөгөөр цэнэглээд явдаг болсон. Ингэснээр 710 мянган төгрөг хэмнэж байна гэсэн үг. Ийм цахилгаан автобус туршилтаар явж эхэлсэн. Энэ онд 100 гаруй автобус орж ирэхээр төлөвлөгдсөн. Харин татвараас цахилгаан автобусыг хөнгөлөх, чөлөөлөх асуудал яригдаж байсан. Энэ асуудал юу болсон бэ. Жилд нийтийн тээвэрт 140 тэрбум төгрөгийн татаас өгдөг. Нийтийн тээврийн шинэчлэлийг хийснээр энэ татаас буурна. Нийслэлд үйлчлилгээнд явж байгаа 900 гаруй автобусны 80 гаруй хувь нь ашиглалтын шаардлага хангахаа больсон. Тиймээс парк шинэчлэлтийг яаралтай хийх ёстой. Үүний тулд шинээр орж ирж байгаа автобусуудад ямар хөнгөлөлт үзүүлэх вэ.

Ч.Хүрэлбаатар: Гаднын зээл тусламжаар хэрэгжиж байгаа дүүжин тээвэр зэрэг хөтөлбөр бахйна. Энэ нь татвараас чөлөөлөгдөөд явна. Мөн Хөгжлийн банкнаас 20 гаруй тэрбум төгрөгөөр нийтийн тээвэрт давхар автобус, цахилгаан автобусны санхүүжилтийг шийдвэхээр болсон.

А.Сүх