Хэрэглэгчийн эрх ашгийг хамгаалдаг тогтолцоог бий болгохоор зорьж ажиллаж байгаа талаар ШӨХТГ-ын дарга Б.Бат-Эрдэнэ өөрийн цахим хуудастаа жиргэжээ. 

Тэрбээр "Хэрэглэгчийг өөрийг нь мэдээлэлжүүлэх, мэдлэгжүүлэх, соён гэгээрүүлэх ажлыг мөн хийх хэрэгтэй байна. Өглөөний уулзалт Монголын хэрэглэгчдийн эрх ашгийг хамгаалах нийгэмлэгүүдийн үндэсний холбоотой хийлээ. Ажлын хэсэг гарган ажиллана" гэлээ. 

Ажлын хэсэг хэрэглэгчийн эрхийг хамгаалах цахим үндэсний тогтолцоог бий болгох, хэрэглэгчийн эрхийг хамгаалах тухай хуулийн шинэчилсэн найруулга дээр хамтран ажиллах, хүнс бэлтгэх, тээвэрлэх, хадгалах, борлуулах хяналт мэдээллийн нэгдсэн тогтолцоог бий болгох, байшингийн ашигтай талбай, орон сууцны талбай бүрийг барилгын компаниуд өөрсдийн үзэмжээр тогтоохыг болиулж стандартыг мөрдүүлэхээр ажиллах юм байна.

А.Сүх