Монголчууд хэдхээн жилийн өмнө коммунист дэглэмтэй, социалист өмчтэй, бүгд ив ижил тэгш хөлс мөнгө авдаг, ав адилхан хоол унд иддэг байлаа. Ерөнхийдөө нэг нийгмийн төлөө бүгдээрээ нийлж зүтгэдэг байв шүү. Харин 30 жилийн өмнөөс хойд хөрш, дэлхий дахинд өөрчлөн байгуулалт явагдаж, монголчууд бид өөрийн толгойгоор амьдрах болсон юм.
Энэ хооронд амьдралын чанар, хөрөнгө зоорь арвинтай бүхэл бүтэн анги үүссэн. Удам угсаа гэх биш, бизнес хийдэггүй, төрөөс төрсөн долларын тэрбумтнууд тоогоо алдсан. Тийм хүмүүсийн хөрөнгө чинээний хэмжээг жирийн бид зүүдэндээ ч тоолж дөнгөхгүй.
Тэгвэл тэдгээр нөхдүүд Монголдоо үнэтэй автомашин, нисдэг тэргээр гангарч, далай тэнгистэй улс оронд усан онгоц хүртэл эзэмшдэг болжээ.
Яг ийм жишээний эзэн бол У.Хүрэлсүхийн Засгийн газрын нэгэн сайдын хүү юм байна.
Тэр этгээд Сингапурт усан онгоц худалдаж авчээ. COVID19-ийн хөл хориотой үед ч найз нөхдөө дагуулан Сингапурт очиж, усан онгоц дээрээ өндөр зэрэглэлийн хүлээн авалт хийсэн байгаа юм.
Тэр хүлээн авалт дээр эрхэм сайдын хүү 2 сая долларын үнэтэй уралдааны машинаа танилцуулж, тэнд цугласан найз нараа ангайлгасан байна. Бид удахгүй сайдын хүүгийн усан онгоцны үнэ өртөг зэрэг тодорхой мэдээллийг хүргэх болно.
С.Балдан-Очир
Сэтгэгдэл (57)