Төрийн мэдлийн стратегийн ордуудыг эзэмшдэг “Эрдэнэс-Монгол” уг нь манай улсын эдийн засгийг тэлэхэд хамгийн чухал үүрэг рольтойгоор байгуулагдсан. Харамсалтай нь энэ байгууллагын “эзэн”-ийг албан тушаалын шагнал болгож томилдог болсноор эдийн засгийг тэтгэх нь бүү хэл, эргээд дарамт учруулдаг компани болон хувирсан.

Шагналаар ирсэн дарга нь шахааны баахан хүмүүстээ сул цалин өгч, төсөвт дарамт учруулахаас цаашгүй байсан уг компанийг шинэ Засгийн газар анхаарч эхлэв бололтой. Ерөнхий сайд М.Энхболдын танхимын гишүүн, уяаны галын хамтрагч П.Ганхүү У.Хүрэлсүхийн эхний Засгийн газрын томилгоогоор энэ компанийг удирдах болсон.

Гэсэн ч хоёр жил гаруй хугацаанд ажиллахдаа П.Ганхүү захирал баахан “но” өөртөө наахаас өөрөөр гавиагүй юм. Эдгээр баахан “Но”-гоороо хуулийн хэлтсийн хуульч Б.Сүндэрьяадаа “барьцаалагдсан” тэрбээр Б.Сүндэрьяаг хамтрагчаараа сонгохоос өөр аргагүйд хүрсэн гэдгийг ажилчид нь ил далдаар ярьдаг юм билээ.

Засгийн газрын Хэрэг эрхлэх газрын дарга Л.Оюун-Эрдэнэ нараар ахлуулсан ажлын хэсэг өнөөдөр “Эрдэнэс-Монгол” дээр ажиллаж байгаа нь энэ компанийн удирдлагуудын тухай баримтууд АТГ-ынхны анхаарлыг татсантай холбоотой байж болох юм.

С.Балдан-Очир