УОК-ын Шуурхай штабаас цаг үеийн асуудлаар мэдээлэл хийлээ. 

Цагдаагийн хурандаа Н.Лхагвасайхан "Тусгаарлах байранд байгаа иргэдийн гаргаж байгаа зөрчил цаашид даамжлах маягтай байна. Тухайлбал, ажиглах байранд ирж байгаа иргэд шинжилгээ өгөхгүй гэж эсэргүүцдэг.

Интернетгүй, хоол унд муутай байна. Тав тухгүй. хөдөөний ийм газар байрлахгүй. Хятадын зочид буудалд буухгүй зэргээр төрийн албан хаагчдын үйл ажиллагаанд саад учруулж байна.

Цаашид энэ талаар тодорхой арга хэмжээ авах шаардлагатай байна. Ажиглах байрны гадна очоод бид энэ байранд орохүй гэдэг. Зарим үед өглөөний 06.00, 08.00 цаг хүртэл эдгээр хүмүүсийг тусгаарлан ажиглах байранд нь оруулах гэж гуйх, шаардах зэргээр олон цагаар хүлээлгэдэг.

Тодруулбал, Нур-Султанаас зургадугаар сарын 10-нд ирсэн дөрвөн иргэн Weng Zhou буудалд буухгүй гэсэн. 40 орчим иргэн Баянхангайн амралтын газар буухгүй гэж олон цагаар хүлээсэн.

Энэ байдлаар саад учруулах нь иргэдийн татан авах ажиллагаанд саад учруулж байна. Тиймээс гадаад улсаас ирж байгаа иргэд тусгаарлан ажиглах, хорио цээрийн журмыг чанад сахих, ойлгуулах, мэргэжлийн байгууллагын үйл ажиллаганд саад учруулахгүй байхыг анхааруулах шаардлагатай байна" гэлээ. 

А.Сүх