Засгийн газар энэ онд хоёр их наяд төгрөгийн өр төлнө. Энэ талаарх задаргааг Сангийн сайд Ч.Хүрэлбаатар танилцууллаа. Үүнд, 2012-2017 онд гаргасан бондууд, 1991 оноос хойш авсан гадаадын хөнгөлөлттэй зээлүүдийн төлбөр зэрэг орж байгаа. Үүний задаргааг танилцуулъя.

Бондын төлбөр:

1️. 2012.12.05-нд гаргасан “Чингис” бондын хүүгийн төлбөр 145.3 тэрбум төгрөг;

2️.2016.03.15-нд авсан Кредит Свисс банкны зээлийн төлбөр 304.4 тэрбум төг;

3️. 2016.04.06-нд гаргасан “Мазаалай” бондын хүүгийн төлбөр 153.3 тэрбум төг;

4️. 2017.03.09-нд гаргасан “Хуралдай” бондын хүүгийн төлбөр 147.7 тэрбум төгрөг;

5️. 2017.10.26-нд гаргасан “Гэрэгэ” бондын хүүгийн төлбөр 127.2 тэрбум төгрөг;

Хөнгөлттэй зээлийн төлбөр:

1991 оноос хойш авсан нийт 270 гадаад хөнгөлөлттэй зээлийн төлбөрт 639.0 тэрбум төгрөг төлнө:

6️. АХБ-ны 60 зээлийн төлбөр 272.3 тэрбум төгрөг;

7️. Дэлхийн банкны 46 зээлийн төлбөр 72.7 тэрбум төгрөг;

8️. Япон Улсын 23 зээлийн төлбөр 121.6 тэрбум төгрөг;

9️. БНХАУ-ын 23 зээлийн төлбөр 85.3 тэрбум төгрөг.

 Дотоод үнэт цаасны төлбөр:

Дотоод үнэт цаасны үндсэн болон хүүгийн төлбөр 420.1 тэрбум төгрөг төлнө.