Хөдөлмөр, нийгмийн хамгааллын сайд А.Ариунзаяа доод албан тушаалтандаа хүргэсэн төрсөн өдрийн мэндчилгээний талаар өчигдөр цахим сүлжээгээр шуугисан.

Мэндчилгээ дэвшүүлсэн Г.Наранбаяр нь тус яамны Нийгмийн даатгалын сангуудын тооцоолол хариуцсан мэргэжилтнээр ажилладаг аж. Тэрбээр энэ тухай өөрийн цахим хуудастаа “Өчигдөр төрсөн өдрөөрөө сайдаас төрсөн өдрийн гарын үсэгтэй мэндчилгээ аваад маш их баярлаж сэтгэл хөдлөөд найз нартаа харуулах гээд сошиалд зургийг нь оруулчихсан юм. Өглөө найз маань залгаад сошиалаар юу болж байгааг мэдсэн үү гэхээр нь гайхаад орж хараад айх гайхах зэрэгцээд хэсэг шокын байдалтай байсан.

Хүмүүс “одоо ч чи ажлаасаа халагдсаан” гэх мэтээр надруу маш их мессеж бичсэн би ч жаахан айсан, сандарсан. Тэгээд ажлынхаа коридорт гараад ирсэн яг сайдтай таараад айгаад яахаа мэдэхгүй байсан дахин нэг шок болсон нь Сайд намайг тэврээд зүгээр үү? Гээд инээсэн. Би ийм зүйл болно гэж ерөөсөө бодоогүй, дотор онгойгоод л явчихсан.

Найзууд маань одоо ч гэсэн надад санаа зовж чаат бичсээр байна. Та нартаа баярлалаа.

Сайдын хувьд Яамны удирдлагаар ирэхээс өмнө ажилтнуудтайгаа тулж харьцдаг, урамшуулж, дэмжиж хамтарч ажилладаг, шударга гэж сонсож байсан. Энэ яриа үнэн юм байна гэдгийг энэ хоёр өдөр өөрийн биеэр мэдэрлээ.

Сөрөг юм шиг хэрнээ эерэг, миний амьдралд хэзээ ч мартагдахааргүй, онцгой, дурсамжтай 40 насны минь төрсөн өдөр болж өнгөрлөө.

Та нар байгууллагынхаа удирдлагаас төрсөн өдрөөрөө ил захидал авч байсан уу?

Үнэхээр гоё сэтгэгдэл төрдөг юм билээ. Ийм удирдлагатай нэг баг болж ажиллаж байгаадаа маш их баяртай байгаа. Цаашдаа улам хичээж ажиллах урам зориг авсан баярлалаа” гэжээ.