МАН-ын Залуучуудын байгууллагын анхны ерөнхийлөгч У.Уламбаяр агсаны хүргэн, ХҮН-ын гишүүн Тогмидын Доржханд 2020 оны УИХ-ын сонгуульд одтой байж эрхэм гишүүн болсон.

УИХ-ын анхдугаар чуулганд үдээсгүй шаахайтай орж очсон Т.Доржхандыг Монголын улс төрд шинэ өнгө төрх, дуу хоолой болж орж ирлээ гэж хэвлэлийнхэн шуугиж, хүн бүр магтаж байв. Тэр залуу МУИС-ийн санхүүгийн анги төгсөөд Японд, АНУ-д, Англид магистр хамгаалжээ. Тэгээд Монголд Сангийн яамны мэргэжилтэн, газрын орлогч дарга, газрын дарга, АНУ-д ОУВС-гийн гүйцэтгэх захирлын зөвлөхөөр ажиллаж байжээ. Тийм болохоор алга ташиж хүлээж авсан бололтой юм.

Гэтэл Т.Доржханд анхны чуулганы маргаашаас нөгөө муу шаахайгаа тайлж хаяад, зангиагаа шахаж, гялгар ботинкоо углаад Төрийн ордноор улс төрийн акц хийж гүйх болсон байна.

Төрийн ордны ихэнх үйл явдал хаалттай. Олон нийтэд төдийлэн мэдэгдэхгүй. Гэхдээ Т.Доржханд УИХ-ын чуулган, эсвэл Байнгын хорооны хурал дээр хүн бүрээс яаж ийгээд л санал зөрдөг. Хүмүүс мэднэ. Энэ нь маш сайн PR болж байна гэж зөвлөхүүд нь зөвлөснө бололтой. Харамсалтай нь тэр бүхэн бодит байдлаас хэт алс бөгөөд Монголд бүр ч тохирохгүй. Сүүлийн хэд хоногт МАН-ын заавраар улс төрөө хийдэг болсон ХҮН-ын асуудлаар талбай дээр гарч ирээд бүр хадуурч орхив. Хоёр толгойтой, бүр хөл, толгой нь мэдэгдэхээ больсон намынх нь замбараагүй асуудлаар гаргасан шүүгчийн захирамжийг Монгол Улсын Ерөнхийлөгчтэй нааж ярьж “улс төрийн акц” хийж эхлэв.

Мэдээж хэрэг, Т.Доржхандын хэлдэг үг, хийдэг хөдөлгөөнийг удирддаг хүн бий.

Үг, үйлдлийг нь зааж өгдөг тэр хүн нь цаашдаа юу ярихыг, яаж “акц” хийхийг нь зааж өгөх нь тодорхой юм. Тэгэхээр Т.Доржханд Орон нутгийн сонгууль өнгөрсөн ч Ерөнхийлөгч Х.Баттулга руу дайрсаар байх бололтой. Тэр утгаараа олон нийт Т.Доржхандыг “Анхдугаар чуулган дээр харагдсанаасаа тэс өөр юм.. Уг нь боловсролтой залуу, даанч буруу зүйлийг улс төр гэдэг ойлголттой. Монголоо бодож сэрдэггүй муу залуу бололтой. Ерөөс тэр залуу бол “хорин он”-ы популист нөхөр юм байна” гэцгээж байна. “Хорин он”-ы поп гэдэг нь 2020 оны УИХ-ын гишүүдээс анхлан төрсөн популист нөхөр гэсэн утгатай ажээ.