УИХ-ын гишүүн Т.Доржханд цаг үеийн асуудлаар мэдээлэл хийлээ. 

Тэрбээр "Үндсэн хуулиар олгогдсон сонгох, сонгогдох эрх, иргэдийн сонгуульд санал өгөх эрхийг шударга бус ганц шүүгчийн захирамжийг үндэслэн зогсоочихлоо. Бид ардчиллаа авран хамгаалах үйл хэргээ үргэлжлүүлэхгүй бол болохгүй нь.

ХҮН-ыг дотоод зөрчилтэй, бичиг баримтаа дутуу бүрдүүлж өгсөн гэсэн мэдээллийг хэвлэл мэдээллийн хэрэгслээр асар их түгээж байна. Гэтэл энэ асуудлаар нийслэлийн Сонгуулийн хороо байр сууриа илэрхийлчихээд байгаа шүү дээ.

ТЕГ-ын дарга нь хүртэл өнгөрсөн баасан гарагт бидний тамга, тэмдгийг хууль ёсных гэдгийг баталлаа.

Одоо хууль бус гомдолд үндэслэсэн хууль бус захирамжаа цуцлах хэрэгтэй. Үүнийг шүүгчээс шаардаж байна. 2021 оны Ерөнхийлөгчийн сонгуулийг сонголттой байлгахын төлөө ажиллана" гэлээ. 

А.Сүх