УИХ-ын гишүүн Б.Чойжилсүрэнгээс зарим зүйлийг тодрууллаа.

-Малын хөлийн татварйн асуудал УИХ-аар яригдаж байна. Та ямар байр суурьтай байна вэ?

-Малын хөлийх татварыг авах ёстой, ёсгүй маргаан өрнөж байна. Бэлчээрийн даац хэтэрсэн энэ үед малын хөлийн татвар аваад тухайн санд оруулаад бусад шаардлагатай зүйлд зарцуулаасай гэсэн байр суурьтай байна.

-Хэмнээний хувьд ямар байхаар яригдаж байгаа юм бэ?

-Татварын хэмжээг сум сумаар нь ялгавартай тогтоох хэрэгтэй.

-2021 оны төсвийн төсөлд хөрөнгө оруулалтын зардалд нэлээд мөнгө төсөвлөсөн байна. Уг нь эдгээр зардлаа бууруулах, тэвчих ёстой байсан юм биш үү?

-Өнгөрсөн оны төсөв алдагдалтай 4.8 их наядын батлагдсан. 2021 онд 2.1 их наяд орчмын алдагдалтай орж ирж байна. 2020, 2021 онд 7 их наяд ойролцоогоор гурван тэрбум ам.долларын өр тавихаар байна. Хөнжлийнхөө хэрээр хөлөө жийж өр нэмдэг асуудлыг багасгахгүй бол Монгол Улсын өр тасралтгүй нэмэгдэж байна. 30.8 тэрбум ам.долларт хүрлээ. Энэ талаар төсөв хэлэлцэж эхлэх үеэр байр сууриа хэлнэ.

-Таны эзэмшлийн "Хурд авто" компани ОБЕГ-т машин зах зээлээс өндөр үнээр зарж байгаа талаар мэдээлэл байна. Энэ талаар тайлбар өгөхгүй юу?

-Гүтгэлгийн шинж чанартай мэдээлэл явж байна лээ. Ойлгоогүй хүн нь гүтгэсэн байна. Хууль зөрчигдсөн ямар нэгэн асуудал байхгүй. Машин шахаж амьдрахдаа тулаагүй байна.

-Таныг намаас эгүүлэн татах асуудал яригдаж байгаа юм байна?

-Яагаад татах гэж байгааг нь асууя. Сонгууль дөхөж байгаатай холбогдуулан гүтгэлгүүд ар араасаа гарч байна. Намаас ямар нэгэн бичиг өгөөгүй.

Б.Лхам