Нийгмийн даатгалын ерөнхий газрын мэдээллээр, нийгмийн даатгалын сангийн орлого 2020 оны эхний есөн сард 1.9 их наяд төгрөг болж, өмнөх оны мөн үеэс 115.9 тэрбум төгрөгөөр буурсан байна. Нийгмийн даатгалын сангийн орлого өмнөх оны мөн үеэс 115.9 тэрбум төгрөгөөр буурахад үйлдвэрлэлийн осол мэргэжлээс шалтгаалах өвчний даатгалын сангийн орлого 39.3 тэрбум төгрөгөөр буурсан нь голлон нөлөөлжээ. Нийгмийн даатгалын сангийн орлого өмнөх оны мөн үеэс 5.7 хувиар буурч, зарлага 22.9 хувиар өслөө. Нийгмийн даатгалын ерөнхий газрын мэдээллээр нийгмийн даатгалын сангийн орлого 2020 оны эхний есөн сард 1.9 их наяд төгрөг болж, өмнөх оны мөн үеэс 115.9 тэрбум төгрөгөөр буурсан байна. Нийгмийн даатгалын сангийн орлого өмнөх оны мөн үеэс 115.9 тэрбум төгрөгөөр буурахад үйлдвэрлэлийн осол мэргэжлээс шалтгаалах өвчний даатгалын сангийн орлого 39.3 тэрбум төгрөгөөр буурсан нь голлон нөлөөлжээ.
Нийгмийн даатгалын сангийн зарлага эхний есөн сард 2.3 их наяд төгрөг болж, өмнөх оны мөн үеэс 431.5 тэрбум төгрөгөөр өсөхөд тэтгэврийн даатгалын сангийн зарлага 245.4 тэрбум төгрөгөөр, ҮОМШӨ-ний даатгалын сангийн зарлага 187.5 тэрбум төгрөгөөр, тэтгэмжийн даатгалын сангийн зарлага 14.6 тэрбум төгрөгөөр өссөн нь голлон нөлөөлөв. Ажилгүйдлийн даатгалын сангаас 2020 оны эхний 9 сард 15.8 мянган хүнд 37.7 тэрбум төгрөг олгосон нь өмнөх оны мөн үетэй харьцуулахад тэтгэмж авагчид 1086 хүнээр буурч, олгосон тэтгэмжийн хэмжээ 6.9 тэрбум төгрөгөөр нэмэгдсэн байна.Монгол Улсын Засгийн газраас коронавирус халдвар (COVID-19) цар тахлын улмаас үйл ажиллагаа нь доголдож, орлого нь буурч байгаа төрийн бус өмчийн аж ахуйн нэгж, байгууллага, их, дээд сургуульд ажиллаж байгаа даатгуулагчид болон сайн дураар даатгуулагчдад 2020 оны долоодугаар сараас эхлэн сар бүр 200 мянган төгрөгийн дэмжлэгийг олгож байна. Энэ оны эхний есөн сард 216.1 мянган даатгуулагчдад (давхардсан тоогоор) 43.2 тэрбум төгрөгийн дэмжлэгийг олгожээ.Хөдөлмөр, халамжийн үйлчилгээний ерөнхий газрын мэдээллээр, нийгмийн халамжийн сангаас 2020 оны эхний есөн сард 2.3 (давхардсан тоогоор) сая хүнд 1.1 их наяд төгрөгийн тэтгэвэр, тэтгэмж, тусламж, үйлчилгээ, хөнгөлөлт олгосон нь өмнөх оны мөн үеэс нийгмийн халамжийн үйлчилгээнд хамрагдагчид 183.1 мянгаар, үйлчилгээнд олгосон тэтгэвэр, тэтгэмж, тусламж, үйлчилгээ, хөнгөлөлтийн хэмжээ 629.7 тэрбум төгрөгөөр нэмэгджээ.
Монгол Улсын Засгийн газраас иргэдийн амьжиргааг дэмжих чиглэлээр нийгмийн халамжийн сангаас олгож буй халамжийн тэтгэвэр болон байнгын асаргаа шаардлагатай 16 хүртэлх насны хүүхдийн амьжиргааг дэмжих мөнгөн тэтгэмжийн хэмжээг нэмэгдүүлж, 288 мянган төгрөг, хүүхдийн мөнгөн тэтгэмжийн 100 мянган төгрөг, хүнс тэжээлийн дэмжлэг шаардлагатай хүүхдэд 16 мянган төгрөг, насанд хүрэгчдэд 32 мянган төгрөгийг тус тус олгохоор шийдвэрлэсэн юм.
Нийгмийн халамжийн үйлчилгээнд хамрагдагчид, тэдгээрт олгосон тэтгэвэр, тэтгэмж, тусламж, үйлчилгээ, хөнгөлөлтийн хэмжээ өмнөх оны мөн үеэс нэмэгдэхэд “Хүүхдийн мөнгөн тэтгэмж” авсан 0-18 хүртэлх насны хүүхдийн тоо 197 (20.1%) мянгаар, олгосон тэтгэмжийн хэмжээ 563.8 тэрбум (4.3 дахин) төгрөгөөр нэмэгдсэн нь голлон нөлөөлжээ.Нийгмийн халамжийн тэтгэвэрт 2020 оны эхний есөн сард 56.7 мянган хүн хамрагдсан нь өмнөх оны мөн үеэс 238 хүнээр буурсан бол олгосон тэтгэврийн хэмжээ 34.8 тэрбум төгрөгөөр нэмэгдсэн байна. Нийгмийн халамжийн тэтгэвэрт хамрагдсан иргэдийн 67.3 хувь нь хөгжлийн бэрхшээлтэй иргэн, 26.3 хувь нь тэжээгч нь нас барсан 18 хүртэлх насны хүүхэд, 6.2 хувь нь ахмад настан, 0.2 хувь нь 16 насанд хүрсэн одой иргэн байна.Нийгмийн халамжийн тэтгэмжид 2020 оны эхний есөн сард 110.1 мянган хүн хамрагдсаны 53.7 хувь нь асаргааны тэтгэмжид, 46.3 хувь нь онцгой тохиолдлын болон амьжиргааг дэмжих мөнгөн тэтгэмжид хамрагдсан иргэд байна. Нийгмийн халамжийн тэтгэмжид 2020 оны эхний есөн сард 70.8 тэрбум төгрөг олгосон нь өмнөх оны мөн үеэс 16.9 тэрбум төгрөгөөр нэмэгджээ. 18 хүртэлх насны 1.2 сая хүүхдэд 733.3 тэрбум төгрөгийн хүүхдийн мөнгөн тэтгэмжийг 2020 оны эхний есөн сард олгожээ.
