Орон нутгийн сонгууль өчигдөр улс орон даяар явагдаж, урьдчилсан байдлаар дүнгээ гаргаад байгаа билээ. Энэ удаагийн сонгуульд улсын хэмжээнд 8169 суудлын төлөө 17161 хүн өрсөлдсөнөөс ард иргэд МАН-д түлхүү итгэл хүлээлгэлээ.

2020 оны орон нутгийн сонгуулийн хамгийн залуу нэр дэвшигч нь МАН-ын Г.Гантулга гэх 19 настай залуу байсан юм. Тэрбээр Төв аймгийн Баяндэлгэр сумын ИТХ-ын сонгуульд ялалт байгуулжээ. Улсын хэмжээнд хамгийн залуу ИТХ-ын төлөөлөгч болж, төр түшилцэхээр болсон Г.Гантулга гэж хэн болохыг сонирхуулж байна. 

Ганзоригийн Гантулга нь 2001 онд төрсөн 19 настай. Төв аймгийн Баяндэлгэр сумын ИТХ-ын сонгуулийн наймдугаар тойрогт нэр дэвшсэн нэгэн юм. Тэрбээр МАН-ын гишүүний үнэмлэхээ аваад нэг жил болж байгаа аж. Үүнээс өмнө МАН-ын дэргэдэх “Нийгмийн ардчилал Монголын оюутны холбоо”-нд харъяалагддаг байсан байна. Тэрбээр ХААИС-д Эдийн засгийн чиглэлээр сурдаг аж.

Г.Гантулга "Хамгийн түрүүнд залуу малчдаа малжуулах, залуу гэр бүлээ орон сууцжуулах тал дээр түлхүү ажиллана гэсэн төлөвлөгөөтэй байгаа" гэдгээ онцолжээ.

Б.Баатар