Хатуу хөл хорионд шилжих эсэх нь иргэн бүрээс хамаарах нь. Мэдээж халдвар хамгааллын дэглэмээ мөрдөж, хувийн ариун цэврээ сайтар сахих, шаардлагагүй бол гэрээсээ гарахгүй байх зэргээс шүү дээ. Учир нь халдварын тохиолдол эрчтэй нэмэгдэж, буурахгүй байвал дөрөвдүгээр сарын 5-аас хатуу хөл хорио тогтоож, эрсдэлийн зэрэглэлийг ахиулахаа УОК-оос мэдэгдээд буй. Үндсэндээ иргэд бид хөл хорионд орж гэртээ суух уу, эсвэл гэдэг хугацаа болоход 7 хоног үлдэж.
Засгийн газрын зүгээс болж өгвөл хөл хорио тогтоохгүй байж эрүүл мэндээ хамгаалахаас гадна дөнгөж сэргэж байгаа эдийн засгаа хамгаалах нь мөн чухал гэж үзсэнтэй холбоотой хэрэг.
Энэ талаар Сангийн сайд Б.Жавхлан “Гуравдугаар сарын эхний 15 хоногт НӨАТ төлөгчөөр 570 гаруй аж ахуй нэгж шинээр бүртгүүлсэн нь өмнөх жилүүдийн мөн үеэс хоёр дахин өссөн нь эдийн засаг дахь хүлээлт эерэг байгаагийн илрэл. Гуравдугаар сарын 3-ны өдрөөс жижиг, дунд бизнес эрхлэгчдэд зориулсан хоёр их наядын зээлийг гаргаж эхэлсэн бөгөөд өнөөдрийн байдлаар 173 зээлдэгчид нийт 13.3 тэрбум төгрөг, 1177 иргэнд ипотекийн зээл олгожээ. Гадаад өрийн менежментийг сайжруулснаар Монгол Улсын зээлжих зэрэглэл -B3 төлөв тогтворгүй байсан бол B3 төлөв тогтвортой болж зэрэглэл ахижээ. Эдийн засгийн хамгийн өндөр идэвхжлийн энэ үед дахин хөл хорио тогтоовол одоо хүрээд буй энэ өсөлт 70-80 хүртэл хувиар буурч, эдийн засагт хүнд цохилт болно хэмээн тооцож байгаа”-гаа онолсон юм.
Үүнээс гадна өмнө нь хэд хэдэн удаа хөл хорио тогтоосны улмаас эргэлтийн мөнгөгүй болсон бичил бизнес эрхлэгчид олон байна. Зарим нь “мод”-оо барьж, төр засгаасаа аврал эрж байгаа энэ цаг үед хөл хорио тогтоох ёстой, тогтоовол хоногийн хоолоо ч олж идэх боломжгүй нөхцөл байдалтай тулгарна хэмээн иргэд хоёр хэсэгт хувагдаад байна.
Өнөөдрийн байдлаар коронавирусний цар тахал нийслэлээс гадна 13 аймагт голомтлон тархаад байна. Хөл хорио тогтоовол иргэдийн хөдөлгөөн татарч, халдварын тоо буурах ч олон өрх хүнд байдалд орно. Хамгийн гол нь хатуу хөл хорионд орох эсэх нь иргэд биднээс шалгаалах юм. Тиймээс гэртээ байя. Олон нийттэй харилцаанд орохдоо зайгаа барьж амны хаалтаа зүүе. Халдваргүйтлийг тогтмол хийж хэвшие.
А.Сүх
