“Грандмед” эмнэлгийн нүдний эмч Ч.Дүүриймаатай ярилцлаа.

-Нүд гэдэг эрхтэн хамгаас чухал. Гэвч сүүлийн үед бүхий л хэрэглээ цахимжиж, энэ хэрээр нүд хуурайших эмгэг ихэссэн. Энэ тохиолдолд нүдийг хуурайшилтаас хэрхэн хамгаалах вэ?

-Сүүлийн үед нүд хуурайших эмгэгийн талаарх мэдээллийг нүдний эмчийн хувьд олон мэдээллийн сувгаар дамжуулан өгч байна. Яагаад гэхээр тархалт маш өндөр байна. Юуны түрүүнд нүд хуурайших эмгэгийн талаар ярилцъя. Нүдний алимны гадаад орчинтой харьцдаг салст ба эвэрлэг бүрхүүл нь гадуураа маш нимгэн шингэн давхаргаар бүрхэгдэж байдаг бөгөөд үүнийг нулимсан бүрхүүл гэдэг. Энэ нь гадаад орчинтой шууд харьцаж гадны таагүй нөлөөллөөс хамгаалахаас гадна нүдийг чийглэж өгдөг. Маш олон шалтгааны улмаас нулимсан бүрхүүлийн дотоод орчны тэнцвэрт байдал алдагдаж өөрчлөгдөн нүдний гадаргуу дахь нулимсан бүрхүүл тогтворгүй болдог. Ингэхээр нүдэнд гэмтэл, үрэвсэл үүсч, тухайн хүндээ маш их зовиур шаналгаа өгдөг. Үүнийг нүд хуурайших эмгэг буюу нүдний гадаргуугийн өвчлөл гэж нэрлээд байгаа юм. Шалтгаанаас дурдвал нас, хүйс, контакт линзийн хэрэглээ, компьютер дээр удаан суудаг, гадаа тоостой бохир орчинд ажилладаг хүмүүст ихэнхдээ тохиолдох хандлагатай байдаг. Монголчуудын хувьд гадаад орчны нөлөөлөл их. Өөрөөр хэлбэл, эрс тэс хуурай уур амьсгалтай учраас хүн амын дийлэнхэд нүд хуурайших эмгэг их. Тиймээс  60-70 хувьд нүд хуурайших эмгэг оношлогдож байна. Мөн нас ахих тусам шүүрлийн үйл ажиллагаа алдагддаг, 45-аас дээш насанд эмэгтэйчүүдэд цэвэршилт явж эхлэхээр хуурайшилт 100 хувь тохиолддог гэж үздэг. Цаашлаад удаан хугацаагаар дэлгэц ширтсэнээс шалтгаалж, хуурайшилт их үүсдэг . Хүний нүд ерөнхийдөө маш олон давтамжтайгаар цавчих  хөдөлгөөн хийдэг. Нүдээ аниад нээх үед зовхины ирмэгээр байрлаж буй тосны булчирхайнаас шүүрэл ялгардаг. Гэтэл хэтэрхий анхаарлаа төвлөрүүлээд компьютер дээр удаан суухаар автоматаар багасаад ирдэг. Үүнтэй холбоотойгоор хуурайшилт үүсдэг. Олон улсад нүдний ачаалал даах чадварыг ерөнхийдөө 20 минут гэж үздэг. Дэлхийд үүнийг 20:20-ын зарчим гэж ярьдаг.  Энэ нь 20 минут дэлгэц хараад 20 секунд нүдээ амраа гэсэн үг юм. Тэгж байж таны нүд хуурайшихгүй, ядрахгүй, чилэхгүй, хараа муудахгүй байх талтай.

-Нүд хуурайшилтыг монголчууд эмгэг гэж боддоггүй. Хуурайшиж, аргахаар гартаа тааралдсан дусаалгыг дусаачихаад орхидог. Үүнд та ямар зөвлөгөө өгөх вэ?

- Нүд маань өөрөө ямар шалтгааны улмаас хуурайшиж, улайж, нүдэнд зовиур илэрч байгааг юуны түрүүнд мэргэжлийн эмчид хандан, оношлуулах шаардлагатай. Нүдний ихэнх өвний үед дээрх зовиур илэрдэг. Иргэд нүдний дусаалга л хийвэл болно гэж боддог. Хүмүүс япон дусаалгыг түлхүү хэрэглэдэг. Уг дусаалгын хувьд судас нарийсгагч бодистой учраас маш богино хугацаанд улайлт арилдаг. Гэтэл хуурайшилтын үед үүсэж байгаа улайлтын үед хэрэглэхэд тохиромжгүй. Гол нь чийгшүүлэх дусаалга буюу хиймэл нулимс хэрэглэх шаардлагатай. Манайд маш олон төрлийн янзын хиймэл нулимс орж ирдэг. Харин би эмчийн хувьд хиймэл нулимсыг  өөр дээрээ хэрэглэж, тестэрлэж үздэг. Дусаалганы хувьд хүн хүнд харилцан адилгүй нөлөөлөх тал бий. Миний хувьд энэ тохиолдолд хамгийн түрүүнд ”Матафрэш” хиймэл нулимсыг  хэрэглэдэг болсон.

-“Матафрэш” хиймэл нулимсыг сонгон хэрэглэдгийн шалтгаан юу вэ. Бусад дусаалгаас ямар давуу талыг нь харж сонгосон бэ?

-Нүдний эмчийн хувьд би “Матафрэш” хиймэл нулимсыг ихэвчлэн үйлчлүүлэгч нартаа тогтмол зөвлөдөг. Юу нь илүү таалагддаг гэхээр хамгийн гол нь нөөшлөгч бодис агуулаагүй, нэг удаагийн бага савлагаатай учраас тухайн дусаалгыг задлаад өдөртөө хэрэглээд дуусчихдаг. Хиймэл нулимс болгон ижил найрлагатай ч дусаалга дотор агуулж байгаа гиалурины хүчил хамгийн чухал. Энэ нь чийгшлийг хангахад илүү нөлөөлдөг. Цаашлаад цэвэр хуурайшилтаас шалтгаалсан  нүдний эмгэгт хиймэл нулимсыг хэрэглэхэд ямар ч асуудалгүй, антибиотик ч юм уу хэрэглэх шаардлагагүй. Хуурайшилтаас шалтгаалсан зовиур бүхэнд “Матафрэш” ихээхэн үр дүнтэй.

-Нүд хуурайшиж, аргаж эхлэх үед  “Матафрэш” хиймэл нулимсыг хэрэглэхэд үр дүнтэй гэлээ. Харин үл тоовол цаашид ямар эрсдэл үүсэх вэ?

-Хамгийн эрсдэлтэй нь, нүд хуурайшаад удаан явбал иргэдэд хамгийн элбэг байдаг өөхлөлт үүсдэг. Энэ нь нүд хуурайшилтаас шалтгаалан эмгэг эд ургаж байгаа үйл явцыг хэлж байгаа юм. Нэгэнт өөхлөлт үүссэн тохиолдолд ямар нэгэн дусаалга дусаагаад ч хайлахгүй. Харин нэмж ургахаас сэргийлэх арга хэмжээ авах шаардлагатай байдаг. Энэ тохиолдолд эхний ээлжид хиймэл нулимсыг хэрэглэх нь зүйтэй. Чийгшил байнга өгөх шаардлагатай гэсэн үг. Өөхлөлт улам даажирвал мах болж ургадаг. Тиймээс хүндрэхээс алхам тутамдаа сэргийлж, мэргэжлийн эмчид үзүүлж, эмчилгээ хийлгэх нь чухал юм.

-Нүд хуурайших эмгэгийн үед илрэх зовиур юу байх вэ. Цаашдаа хүндэрснийг яаж мэдэх вэ?

-Эхний ээлжид эмнэл зүйн зовиур шаналгаа гэвэл улайна, торно, яваандаа бүрэлзэнэ. Дунд шатандаа болоод ирэхээр эвэрлэг бүрхүүлийн хамгийн өнгөц хэсэг шархалж, өөрчлөлтөд ордог. Үүнийг зайлшгүй биомикроскопоор харах шаардлагатай. Хүнд шатандаа орвол хараанд эрс өөрчлөлт орж, нүдэнд зовиур өгч, гэрэлд гялбаж байвал нүдний хувьд нэлээн өөрчлөлттэй болсон гэсэн үг юм. Тиймээс  нүд хуурайших, аргах эхний  тохиолдолд л “Матафрэш” хиймэл нулимсыг хэрэглэхийн нүдний эмчийн хувьд дахин зөвлөмөөр байна.  Энэ нь өөхлөлт, мах үүсэх хүндрэлээс урьдчилан сэргийлэхээс гадна нүднийг байнга чийгшилтэй байлгадгаараа ихээхэн давуу талтай юм.

-Ярилцсанд баярлалаа.

У.Тэргэл