Иргэн Б.Сүндэръяа өөрийн цахим хуудсаараа дамжуулан нэгэн УИХ-ын гишүүнтэй холбоотой таагүй мэдээллийг олон нийтэд цацсан талаар бид өмнө нь мэдээлж байсан билээ. Тэгвэл тэрбээр өнөөдөр уг асуудлаар цагдаагийн байгууллагад албан ёсоор хандлаа. 

Тэрбээр "Хэвлэл мэдээллээр зарлаагүй олон асуудал байгаа. Үүнийг цагдаагийн байгууллагынхаа өргөдөлд тусгаж байгаа. УИХ-ын гишүүн Ц.Анандбазарт гомдолтой 1000 гаруй эмэгтэй байна. Өнгөрсөн УИХ-ын сонгуулиар намайг Ерөнхий сайд асан У.Хүрэлсүхтэй амрагийн холбоотой гэж гүтгэж байсан. 

Мөн таван залуу хөлсөлж бичлэг хийлгүүлсэн. 

Ц.Анандбазар гишүүнд барьцаалагдаж үг ч хэлэх эрхгүй, яаж ч чадахгүй явж байгаад өнөөдөр цагдаагийн байгууллагад хандаж байна. Эхлээд бүдүүлэг үгээр над руу ханддаг байсан бол одоо ойр дотнын хүмүүсээр дамжуулж тохиролцох тухай ярьж байгаа. Миний хувьд тэр гишүүнтэй тохиролцохгүй" гэлээ. 

А.Сүх