МоАХ-ныхон сүүлийн өдрүүдэд уулзалдаж, жагсаал цуглаанд бэлдэж буй гэх мэдээлэл хэвлэлүүдээр цацагдаж байна. Дүүргүүдийн МоАХ-ны пэйж хуудсууд ч ийм мэдээллээр дүүрчээ. Тэгвэл энэ явдал МоАХ-ныхныг УОК-ын шийдвэрээр тогтоосон хөл хорионы дэглэмийг зөрчихөд хүргээд байна. Энэ дэглэмийг зөрчсөн зарим хүнд хуулийн дагуу арга хэмжээ авах нөхцөл байдал ч үүссэн байна.

Тиймээс МоАХ-ныхон өнөөдөр Цэц дээр хэлэлцэх асуудалд зориулсан эсэргүүцлээ сошиал дээр "ажиллаж" үргэлжлүүлэхээр тохирч байгаа бололтой.

Тухайлбал, МоАХ-ны ХЭГ-ын дарга С.Эрдэнэцогт өчигдөр /2021-4-15/ Баянгол дүүргийн МоАХ-ны дарга С.Эрдэнэцэцэгт "Маргаашийн жагсаалд цөөхөн хүн ирэх байх.

Сүхбаатар, Чингэлтэй дүүргээс л хүмүүс ирж магадгүй. П.Нүрзэд нар энэ арга хэмжээгээ буруу аргаар хэрэгжүүлж байна. Тэгэхээр Ерөнхийлөгч л энэ хатуу хөл хорионы үеэр иргэдийг жагсаасан болж харагдах гээд байна. Тэгэхээр дахин жагсахаа больё. Харин сошиалаар л үргэлжлүүлье" гэжээ.

Баянгол дүүргийн МоАХ-ны дарга С.Эрдэнэцэцэг хариуд нь "Цагдаа дээр Болор-Эрдэнэ, Цэвэлээ бид гуравт хэрэг үүсгэж байгаа. Эд нар зохион байгуулж чадахгүй байна.

Маргааш "Ардчиллын ордон" дээр цуглаад намт хамтрах нь дэмий. Мэдээж хэрэг, цагдаа хамгаалалтаа улам нэмэгдүүлнэ. Тэгэхээр олоэ хүн л цуглахгүй бол үр дүнд хүрэхгүй. Явж явж МоАХ-ынхон коронаг нэмэгдүүлсэн хэрэгт орох вий. Нэмээд сошиалаар бид нарын тухай сөрөг хандлага ч нэмэгдэнэ шүү" гэжээ.

С.Сүлд