Сонгуулийн ерөнхий хорооноос АН-ыг худал ташаа мэдээлэл цацсан хэрэгт шалгуулахаар Тагнуулын ерөнхий газарт хандаж байгаа талаараа мэдээлэл хийлээ. Тодруулбал “АН-аас санал тоолох төхөөрөмжид хөндлөнгийн нөлөөлөл ордог байж болзошгүй гэсэн мэдээллийг өчигдөр хийсэн. Энэ бичгийн хувийг Тагнуулын ерөнхий газарт хүргүүлж байгаа. Энэ нь цаанаа Эрүүгийн хуульд заасан сонгууль будлиантуулах зорилготой гэмт хэргийн шинжтэй үйл ажиллагаа байж магадгүй гэдэг үндэслэлээр нийслэлийн прокурорын газарт хандсан.

Сонгууль болохоор санал тоолох төхөөрөмжийн үйл ажиллагаатай холбоотой үнэн худал нь мэдэгдэхгүй, олон нийтийг төөрөгдүүлсэн мэдээллийг улс төрийн нам эвсэл, сонгуульд оролцож байгаа нэр дэвшигчдийн зүгээс цацдаг.  2012 оноос хойш санал тоолох төхөөрөмж буруу ажиллалаа гэсэн бодитой нэг ч жишээ гараагүй. Илт худал мэдээллийг олон нийтэд тарааж байгаа нь гэмт хэргийн шинжтэй байна" гэлээ.