Дуучин С.Гантогоо коронавирусний халдвар авчээ. Тэрбээр энэ талаар цахим хуудаснаа "Гантогоо нь КОРОНА ВИРУСИЙН халдвар авчээ. Ёстой хэлэх үг алга даа...

Уг нь вакциндаа бүрэн хамрагдаад 2 сар гаруй болж байна. Хоёр тунгаа хийлгэсэн байсан хөөрхий. Сэтгэл санаа авах юм алгоо. Халдвар хамгааллын дэглэмийг маш их хичээн баримталж байсан шүү дээ...

Аминдаа хайртай над шиг байнга маск зүүж, халаасандаа ариутгагч авч явдаг хүн ховор доо. Гадуур үнэндээ аймшигтай байна.  Урьдчилан сэргийлэх, сэрэмжлүүлэх үүднээс орой ЛАЙВ хийнээ. Өөрт болж буй процессийг үнэнээр л хэлэх болно.

ПиСиАр шинжилгээгээ ҮНЭГҮЙ болгоочээ. Би сайн хүн байх гэж хичээдэг. Уур биеийг зовооно гэдгийг ч мэднэ. Гэхдээ энэ удаа үнэхээр тэссэнгүй ээ. Намайг ууртай хүн гэж бүү бодоорой... Гэхдээ ПиСиАр шинжилгээ үнэгүй авч байгаа мэдээллийг олж авсан байгаа шүү. Ер нь хяналтаа алдаж байгаан байна. Уурласан бол уучлаарай. Гэхдээ би буруу зүйл яриагүй гэж найдна. Уг нь маш сайхан эелдэгхэнээр хариулж болох л байсан. Тийм биш гэж үү. Эрүүл мэндийн яамны олон нийттэй харилцах албанд хүсэлтээ хэллээ. Үнэхээр уур хүрдэг юм байнаа...Эмчилгээгээ хийж л байна даа..." хэмээжээ. 

Б.Баатар