Засгийн газрын ээлжит хуралдаанаас гарсан шийдвэрийг танилцуулж байна.
ХЗДХ-ийн сайд Х.Нямбаатар "Ерөнхий сайдын захирамжаар Авлигын индексийг бууруулах ажлын хэсэг байнгын үйл ажиллагаатай ажиллаж, Засгийн газрын ээлжит хуралдаанд тайлангаа тавьж байгаа.
Манай ажлын хэсэг гурван үндсэн чиглэлээр үйл ажиллагаа явуулж байна. Нэгдүгээрт, Авлигатай тэмцэх чиглэлээр хууль эрх зүйн орчинг боловсронгуй болгох, мэргэжлийн байгууллагыг татан оролцуулах бөгөөд энэ хүрээнд аравдугаар сард Шүгэл үлээгчийн эрх зүйн байдлын тухай хуулийг Засгийн газрын хуралдаанаар хэлэлцүүлнэ. Ингээд дэмжигдсэн тохиолдолд УИХ-ын чуулганаар хэлэлцүүлэх юм. Энэ ажлынхаа явцыг танилцуулсан.
Хоёрдугаарт, төрийн үйл ажиллагааг хэрхэн цахимжуулах, бүтцийг хэрхэн боловсронгуй болгох, шат дамжлагыг хэрхэн бууруулах уу, ямар тохиолдол орон тоог бууруулах уу, төрөөс олгодог зөвшөөрөл, лицензийг бууруулах зэрэг зщцогц ажлуулыг хийж байна. Энэ хүрээнд хамгийн эхэнд хийгдэж буй ажил нь аравдугаар сарын 1-нээс газрын гэрчилгээг цахимаар хэвлэж авах боломжоор хангаж байна. Иргэд газрын гэрчилгээгээ авахаар сум, дүүргийн газрын албанд очих шаардлагагүй гэсэн үг. Хэрэв иргэд хүсвэл газрын албанд хандаж үнэт цаасаар хэвлүүлж авч болно. Цахимаар хэвлэж авсан QR кодтой гэрчилгээ үнэт цаасан дээр хэвлэлсэн гэрчилгээтэй адил хүчин төгөлдөр байх юм. газар олголтыг гурван үндсэн чиглэлээр олгодог байхаар зохицуулж байгаа. Тодруулбал, иргэдийн өмчилж авах 0.07 га газраас бусад хэлбэрээр газар авах тохиолдолд зөвхөн цахим дуудлага худалдаагаар авах өөрчлөлтийг хийсэн. Энэхүү мэдээллийг цахим хуудсанд байршуулах юм.
Гуравдугаарт, урьдчилан сэргийлэх, соён гэгээрүүлэх чиглэлээр ажиллаж байна. Долоодугаар сарын 22-ны өдөр ажлын хэсэг байгуулагдсан. Ажлын хэсэг байгуулагдсанаас хойш 700 гаруй дуудлага, мэдээлэл ирснийг шийдвэрлэж ажилласан. Ирэх оны нэгдүгээр сард авилгын индекс гарна. Энэ үед хэддүгээрт эрэмблэгдэх нь маш чухал.
Засгийн газрын тэргүүний хувьд авлигын индексийг бууруулж, эдийн засаг сэргэлт, гадаадын хөрөнгө оруулагчдын итгэлийг сэргээхийг зорьж байгаа учраас Ажлын хэсгийг байнгын ажиллагаатай болгон ажиллаж байгаа. Энэ оны намрын чуулганаар цахим шилжилтийн дөрвөн багц хуулийг хэлэлцэхээр төлөвлөж байна.
Төрөөс олгодог бүх төрлийн зөвшөөрөл, лицензийг цахимаар олгодог болоход чиглэн ажиллаж байгаа. Мөн Монгол Улсын иргэн бүр цахим гарын үсэгтэй болж, түүгээрээ дамжуулан төрт хадгалагдаж байгаа мэдээллээ авдаг болох юм. " гэлээ.
Б.Баатар
