Нийслэлийн Онцгой комиссоос цаг үеийн асуудлаар мэдээлэл хийлээ. Нийслэлийн Эрүүл мэндийн газрын дарга Б.Бямбадорж мэдээллийн эхэнд “Нийслэлийн халдварын тархалт нөхцөл байдал дээр үйл ажиллагаа явуулахад сүүлийн нэг сарын хугацаанд халдварын тохиолдол огцом нэмэгдсэн байгаа. 25 дахь долоо хоногоос эхлэн халдварын тохиолдол нэмэгдэж, 35 дахь тохиолдол дахин нэмэгдэж, 37 дахь долоо хоногт огцом нэмэгдсэн. 34, 37 дахь долоо хоногт 92 мянга болж нэмэгдсэн байна. Нас баралтын байдал 35-38 дахь долоо хоногийн хооронд нэмэгдсэн. Халдварын эсрэг дархлаажуулалт 35 дахь долоо хоногоос дархлаажуулалтын идэвхи суларсан харагдаж байгаа гэв. 

Анхаарал татаж байгаа нь хоёр болон гуравдугаар тунгийн идэвхи сул байгаа гэж хэлсэн нь үнэн. Энэ нь судалгааны үр дүнгээр харагддаг. Мөн иргэд гуравдугаар тунгийн дархлаажуулалтандаа идэвхитэй хамрагдах хэрэгтэйг анхааруулж байна. Өрхийн эрүүл мэндийн төвд ирэх ачаалал нэмэгдэж, өнөөдөрийн байдлаар гэрийн хяналтанд 36 мянга гаруй хүн хяналтанд байгаа гэнэ. Эмч, сувилагч, эмнэлэгт хэвтэн эмчлүүлэх иргэдийн ачаалал нэмэгдэж байгаа нь ганц монгол биш. Эмнэлэгийн орны сэлгэлт удааширсан үзүүлэлттэй байгаа нь санаа зовоож байна. Эмнэлэгт өнөөдрийн байдлаар коронавирусний халдвар авсан иргэдэд хэвтэн эмчлүүлэхэд зориулсан 5984 ор байгаа юм байна. Энэ нь Эрүүл мэндийн сайдын тушаалтай ор. Гэтэл өнөөдрийн байдлаар эмнэлэгт 6417 хүн хэвтэн эмчлүүлж байгаа аж. Эмнэлэгт коронавиусээр өвчилсөн нэн хүнд, хүнд өвчтэн л эмчлүүлж байгаа. Орны сэлгэлт удааширсан шалтгаан нь коронавирусний халдвар мутацид орсон нь ихээр нөлөөлжээ. 

Эмнэлэгт хэвтэн эмчлүүлж байгаа хүмүүсийн 80 хувь нь хүнд, хүндэвтэр, нэн хүнд өвчтөн байна. Үлдсэн 20 хувийг хөнгөн гэж үнэлж буй юм. Эмнэлэгт танил тал харж өвчтөн авсан тохиолдол бүртгэгдээгүй байна. Энэ тухай гомдол сошиал орчинд олон гардаг ч баримт алга. Эмнэлэгийн стандартаар эрчимт эмчилгээний таван оронд нэг эмч, нэг сувилагч ажиллаж байгаа юм байна. Сайн дураар ажиллах хүн хүч хэрэгтэй байгаа гэнэ. Тухайлбал, эрүүл мэндийн бус мэргэжлийн 910 хүн нийслэлийн хэмжээнд ажиллах бололцоотой гэлээ. Тэр хүмүүст богино хэмжээний сургалт зохион байгуулаад бусад үйл ажиллагаанд оролцуулах нь. Түргэвчилсэн шинжилгээгээр эерэг гарсан бүх тохиолдолд хариу арга хэмжээний үйл ажиллагааны хүрээнд хүрч үйлчилж, ажиллаж байгаа гэж хэлж байна. Харин тандалт судалгааны баг ойрын болон шинж тэмдэг илэрсэн тохиолдолд шууд очиж шинжилгээ хийх үйл ажиллагаа явуулж байгаа гэлээ.

Б.Жаргал