АН-ыг гишүүд мэдээлэл хийлээ. Энэ мэдээллээр УИХ-ын гишүүн Д.Ганбат УИХ дахь АН-ын бүлгээс албан ёсоор гарч буйгаа мэдэгдсэн бөгөөд УИХ-ын дарга Г.Занданшатарт мэдэгдэлээ хүргүүлжээ.

Тус мэдэгдэлд "Үндсэн хуульт ёсыг гажуудуулж, хууль бус аргаар нам эвслийн үйл ажиллагаанд хөндлөнгөөс хутгалдан оролцох нөхцөл нэгэнт бүрдсэн тул цаашид ардчиллын үнэт зүйл,

АН-ын үзэл баримтлалын төлөө УИХ дахь АН-ын бүлгийн үйл ажиллагаанд оролцон, хэрэгжүүлэх боломжгүй болсон гэж үзэж байгаа тул ийнхүү намын бүлгээс гарч байгаагаа мэдэгдэж байна"

“Монгол Улсын их хурлын дарга Г.Занданшатар танаа Монгол Улсын их хурал дахь АН-ын бүлгийн үйл ажиллагаа дуусгавар болсныг мэдэгдэх тухай. УИХ-ын гишүүн Д.Ганбат 2022 оны зургаадугаар сарын 20-ны өдөр УИХ дахь АН-ын бүлгээс гарчээ. АН-аас тавдугаар сарын 11-ны өдрийн бүлэг байгуулсан намын шийдвэрийг баталгаажуулсан тогтоолоор УИХ дахь АН-ын бүлэг найман гишүүнтэй. УИХ-ын тухай хуулийн 31.1-т заасны дагуу УИХ-ын сонгуулийн дүнгээр УИХ-д наймаас доошгүй суудал авсан нам, эвсэл бүлэг байгуулж болно гэж заасан.

Мөн хуулийн 34.1.3-т гишүүн бүлгээс гарахад үлдсэн гишүүдийн тоо найм буюу доод хязгаарт хүрэхгүй болсон тохиолдолд бүлгийн үйл ажиллагаа дуусгавар болохоор заасан. Тус хуульд заасан бүлгийн үйл ажиллагаа дуусгавар болох нөхцөл нэгэнт бүрдсэн тул УИХ дахь АН-ын үйл ажиллагаа дуусгавар болсныг мэдэгдэж байна” гэсэн мэдэгдлийг УИХ-ын дарга Г.Занданшатарт хүргүүлсэн байна.

Т.Мөнхжаргал