2023 онд нээлтээ хийх, хамгийн их хүлээлттэй байгаа арван киног танилцуулж байна. Тухайлбал, Эхний анги нь үзэгчдээс өндөр үнэлгээ авсан "Dune" болон Ариэлийн дүрд Холли Бэйлийг сонгосон "The Little Mermaid", "65" зэрэг кинонууд кино сонирхогчид болон үзэгчдийн анхаарлыг татсаар байна.
1. John Wick: Chapter 4
“John Wick” гарснаас хойш Киану Ривзийг гагц “Matrix”-аар овоглохоо больсон гэхэд болно. Энэ онд гарах дөрөвдүгээр анги нь эхний ангиа гүйцэхгүй ч бид үзсэндээ харамсахгүй гэдэгт итгэлтэй байна. Жон мафийн боссуудыг дийлж чадах болов уу?
Нээлт: Гуравдугаар сарын 24
2. Dune
"Part Two Sicario”, “Blade Runner 2049” зэрэг киног найруулснаар нь бид бүгдийн мэдэх Дени Вильнёвын “Dune” 2021 оны хамгийн амжилттай кинонуудын нэг байсан. Фременүүдтэй хамтран гэр бүлийнхнийхээ өшөөг авахаар тэмцэх Пол Атрейдес хүн төрөлхтнийг аврахын төлөө хайртдаа үгүй гэж хэлэх эсэхээ шийдэх хэрэгтэй болно.
3. Barbie
Барбигийн тухай киног Грэта Гэрвиг найруулсан гэхээр тун сонирхолтой. Марго Робби, Райан Гослинг Барби болон Кэний дүрд тогложээ. Төгс бус хэмээн Барбилэндээс явахад хүрсэн Барбигийн адал явдлыг Г.Гэрвиг Ноа Баумбах хоёр хэрхэн амилуулсан бол?
Нээлт: Долоодугаао сарын 21
4. The Little Mermaid
Уолт Диснейн 1989 оны сонгодог бүтээлийн шинэчилсэн хувилбар, загасан хүний түүх тавдугаар сарын 26-нд нээлтээ хийнэ. Тус кинонд Ариэл гүнжийн дүрд Халле Бэйли тоглодог. Тэрбээр хайртай ханхүүтэйгээ хамт байхын тулд хүнтэй адил хөлтэй болохыг хүсдэг.
Нээлт: Тавдугаар сарын 26-нд
5. “Spider-Man: Across the Spider-Verse”
2018 онд “Spider-Man: Into the Spider-Verse” кино гарч байв. Энэ анги дээр хэд хэдэн төрлийн хүн аалзууд нэгддэг ба зургаан зэрэгцээ ертөнцөд үйл явдал өрнөдөг. Аалзтай холбоотой 240 дүр тус кинонд бий.
Нээлт: зургадугаар сарын 2.
6. “Mission: Impossible – Dead Reckoning Part One”
“Top Gun: Maverick” кино 2022 оны хамгийн шилдэг кино болсон. Тэгвэл энэ онд мөн л Том Крузын тоглосон шинэ Биелэгдэшгүй даалгавар шилдэгүүдийн жагсаалтад орж ирэх нь. Тагнуулын нууц хуйвалдаан хэвээрээ ч Том Крузын аюултай үзүүлбэр хамгийн их анхаарал татах болно. Том Круз орлон тоглогчгүйгээр өндөрт байрлах нарийхан налуу зам дээгүүр мотоцикл жолоодсон талаар бид өмнө нь мэдээлж байсан билээ.
Нээлт: Долоодугаар сарын 14.
7. 65
Юрийн галавын цэцэрлэгт хүрээлэнгийн үлэг гүрвэлүүд устаж үгүй болсон ч “65” киноны дэлгэцнээс та илүү олон үлэг гүрвэл олж харах нь. Киноны гол дүрд Адам Драйвер тоглосон. Адам Драйвер буюу командлагч Миллс сансарт үүрэг гүйцэтгэж яваад осолдож, зэлүүд гариг дээр газардсанаар үйл явдал өрнөдөг. Гэтэл энэ нь 65 сая жилийн өмнөх дэлхий байдаг. Тэгэхээр Миллс цаг хугацаагаар аялсан уу, эсвэл харь гаригийн хүн үү гэдгийг киног үзэж байж мэдэх боломжтой.
Нээлт: гуравдугаар сарын 9.
8. Magic Mike's Last Dance
“Ocean’s” цуврал, “Erin Brockovich” зэрэг киногоороо алдартай Стивен Содерберг арван жилийн өмнө тайчигчдын тухай “Magic Mike”-г хийсэн нь шүүмжлэгчдэд ч, үзэгчдэд ч өндрөөр үнэлэгдсэн. Энэ жил тус киноны гурав дахь анги нээлтээ хийх нь. Чэннинг Тэйтумын бүжиглэхийг үзэхээс уйдах хүн хэн байх билээ дээ.
Нээлт: Хоёрдугаар сарын 10.
9. Guardians of the Galaxy Vol. 3 Грүүт.
“Guardians of the Galaxy” ямар үйл явдалтайгаасаа үл хамааран сонирхолтой, хөгжилтэй байдаг кино/цувралын нэг. “DC Studios”-ийн гүйцэтгэх захирал болохоосоо өмнө “Marvel”-тай хамтран хийх сүүлчийн кино нь энэ юм.
Нээлт: Тавдугаар сарын 5.
10. Oppenheimer
Цөмийн бөмбөгийн эцэг гэгддэг физикч Роберт Оппенхэймерийн түүхийг өгүүлэх “Oppenheimer” энэ онд үзэгчдийн хамгийн ихээр хүлээж буй кино ч байж мэднэ. “The Dark Knight”, “Memento”, “Interstellar” зэрэг цуут бүтээлийн эзэн Кристофер Ноланы шинэ кино ирэх долоодугаар сард гарах юм. Нээлт: Долоодугаар сарын 21.
Д.Батчулуун
