Амар байна уу? хэмээн мэндчилэх цагаан сар айсуй. Айсуй туулай жилийг угтан “Амар байна уу” үзэсгэлэн худалдаа “Шинэ 100 айл” төвд дэлгэгджээ. Энэ үеэр тус үзэсгэлэнд оролцож буй “Эко модон тавиур” ХХК-ны борлуулагч Б.Батцэцэгтэй ярилцлаа.
-Сайн байна уу? Танай компани нийт хэдэн нэр төрлийн бүтээгдэхүүн үйлдвэрлэдэг вэ?
-Эко модон тавиур компани маань утасны тавиур, хоолны модон тавагтайгаа нийлээд нийтдээ 10 гаруй нэр төрлийн бүтээгдэхүүн үйлдвэрлэж байгаа. Утасны тавиур гэхэд л дээрх үг зураг гээд төрөл бүрийн 20 гаруй төрлөөс сонгох боломжтой байдаг.
-Хүнсний модон тавагны бусад үйлдвэрүүдээс ялгарах онцлог нь юу вэ? Эко тосон түрхлэг ашигладаг гэж сонссон.
-Тийм ээ. Манайх модон тавагнууддаа Монголд анх удаа хүнсний зориулалттай , усны хамгаалалттай тосон түрхлэг ашиглаж эхэлсэн. Эко, хүний биед хор хөнөөлгүй тосон түрхлэгийг хоёр үе шаттайгаар түрхдэг. Ихэнх газрууд барилгын зориулалттай лакыг ашигладаг. Манай давуу тал нь бусад модон тавагнууд усанд норох хагарах гэх мэт асуудал үүсдэг. Манай бүтээгдэхүүнүүд ямар нэг тийм асуудал гардаггүй.
-Үзэсгэлэн худалдаагаар хүмүүс их ирж байна уу? Худалдан авалт хэр байна вэ?
- Өнөөдөр үзэсгэлэн худалдааны эхний өдөр гэхэд хүмүүс их ирж байна. Худалдан авалт сайн байна.
- Бүтээгдэхүүнүүд хэдээс хэдэн төгрөгийн хооронд худалдаалагдаж байгаа вэ? Цагаан сараар бэлгэлэхэд тохиромжтой санагдлаа.
- Манай бүтээгдэхүүнүүд ялангуяа утасны тавиурын хувьд хүний сэтгэлд хүрсэн гэж боддог. Мөн цагаан сараар бэлэглэхэд тохиромжтой хэмээн үйлчлүлэгчид их сонирхож байна.
Утасны тавиур, хоолны таваг, ванны тавиур гэх мэт 10 мянган төгрөгөөс 60 мянга хүртэлх үнэтэй байдаг.
- Танайх бүтээгдэхүүнүүдээ үзэсгэлэн худалдаанаас гадна хаагуур тогтмол борлуулдаг вэ?
- Sunday худалдааны төвийн B1 давхарт, Номин худалдааны төвүүдээр борлуулдаг. Удахгүй Емарт дэлгүүрт худалдаалж эхэлнэ.
-Утасны тавиур дээрх үгсийг гараар сийлдэг үү? Өнгөт хэвлэлтэй болсон байна шүү дээ.
-Дээрх үгийг нь лазераар сийлдэг. Яг их бие модыг нь өөрсдөө гараараа зүлгэж хийдэг. Мөн компани, аж ахуй нэгжүүд өөрсдийн лого нэр зэргийг сийлүүлж захиалах боломжтой.
-Ярилцсанд баярлалаа.
-Баярлалаа.
Б.Мичидмаа
