Чоппер нь амьдралын шаардлагаар урган гарсан стиль гэдэг. Уг стиль нь техникийн хөгжлийг тодорхойлж  байдаг. Дэлхийн 2-р дайнаас  эх орны зүг мордсон дайчин цэргүүд нэгдэж, хуучны хүнд болхи загвартай мотоциклуудыг өөрчилж, өөрсдийн дур сонирхолд нийцүүлсэн шинэ загварын хөнгөн, ганган, чамин,  дэгжин мотоцикль шинээр бий  болгон  тоноглон өөрчилсөн гэдэг. Тэр үедээ хүнд техник хэрэгслийг илүү шинэчлэн, харахад үзэмжтэй дэгжин харагдах мотоциклийг   “Bobber”  гэж нэрлэдэг байжээ.  Хэдийгээр "шинэхэн” бүтээсэн мотоцикль хуучин загвараас илүү гоё  харагдаж байсан ч өөрчлөх, сайжруулах зүйлүүд их байсан гэдэг.

     60-70 аад оны үед  шинэ мотоцикль хөлгөлсөн  залуус “Чоппер” гэдэг нэртэй болсон байна. Харин Чоппер гэдэг үгийн утга нь засах өөрчлөх , сайжруулах гэсэн утгийг илэрхийлнэ.

      Чоппер  гэдэг нь дугуйны хэрэгцээтэй биш зүйлийг тайрч  аван хаягдлаар нь бүтээсэн мотоциклийн нэг төрөл юм. 1969 онд Чопперуудын тухай “ Easy Ridder “  нэртэй кино гарснаар  чопперууд олон нийтийн анхаарлын хүрээнд орсон байна. Энэ кинонд өнөөдрийн чопперчуудын гол дүр төрхийг харуулдаг юм .

    Харин “Монголын Чоппер Ахан Дүүсийн Холбоо” нь  2008  онд байгуулагдан одоогоор  50-иад эрэгтэй 6 эмэгтэй гишүүнтэй болтлоо өргөжин үйл ажиллагаа зорилгоо хэрэгжүүлсээр байна. Чопперчууд зохион байгуулалтай туг далбаатай явдаг нь хүмүүсийн сэтгэл зүрхийг ихээр хөдөлгөдөг. Энэ стилийн хүмүүс хэнд ч захирагддагүй эрх чөлөөг мэдэрсэн залуус.Тэд нэгнийгээ хэзээ ч орхидоггүй .

    Чопперчуудын гол бахархал нь салхи татуулан чоппер унан стрессээ тайлж,  эрх чөлөөг мэдрэх явдал.  Ахан дүүсийн холбоо дунд ороход төрсөн ах дүү, гэр бүлтэйгээ хамт байгаа мэт халуун дулаан сэтгэлийг ихээр мэдэрдэг гэж ярьцгаасан.

     Тэдний шивээс зүүж байгаа аксесуар чимэглэл,  ээмэг зүүлт, бөгж  гэх мэт нь нилээн өвөрмөц хэлбэр хэмжээтэй. Чопперчууд  нь хохьмой  гавлын толгойн дүрс болон хас тэмдгийг бэлгэддэг.  Хохьмой дүрс нь аюул осол, муу муухай бүхнээс хамгаалдаг гэсэн “дом”-той.  Харин хас тэмдэг нь төвдөөс гаралтай билээ. Хувцас гутал нь бүгд арга ястай холбоотой байдаг. Мөн нь цэвэр арьс байх шаардлагатай. Чопперчийн хувцас нь хүмүүсийн анхаарал хараа татсан чамин байхаас гадна  аюулгүй байдлыг  бүрэн хангадаг онцлогтой.

        Чопперчдын бүс нь эр хүний хийморийг илэрхийлдэг араатан амьтан, нар сар, бүргэд галыг дүрсэлсэн байдаг юм. Чопперчид юу ч өмсөж болно. Нүцгэн байсан ч болно. Энэ нь тэдний эрх чөлөөг илэрхийдэг учраас. Монголд янз бүрийн ажил мэргэжилтэй хүмүүс нэгдэн чопперийн баг болжээ. Тэд хүмүүнлэгийн болон  нийгмийн ажилд идэвхтэй оролцдог.

Дашрамд дурьдахад:

2012 онд УИХ-ын гишүүн Ү.Хүрэлсүх “Харли сонирхогчийн"  клубыг үүсгэн байгуулсан аж.