Ардчилсан нам 4.11 мэдээллийн цагаараа дараах мэдээллийг өглөө. Энэ үеэр тус намын Хуулийн бодлого хариуцсан дэд дарга Ч.Өнөрбаяр үг хэлж, мэдээлэл өглөө. 

Тэрбээр "Онц байдлын асуудлыг дахин үргэлжүүлнэ гэж байна. Онц байдал тогтооно гэдэг бол хуульгүй аашилна л гэсэн үг. 1991 оны хуулиар онц байдал тогтоогоод Бүрэн эрхт төлөөлөгчийн томилоод явж байгаа. 1992 онд Ардчилсан үндсэн хуулийг баталсан. Ардчилсан үндсэн хууль батлагдахаас өмнө мөрдөгдөж байсан хуулиар явж байгаа. Өөрөөр хэлбэл, социолизмийн үеийн хуулиар онц байдал тогтоогоод явж байна. Онц байдал иргэдийн асуудал шийдэгдэж, Монголд шударга ёс тогтдоггүй. 

Хоёрдугаарт, Х.Нямбаатар сайд бид хоёр хотыг удирдаж чадахгүй юм байна. Хот удирдах гэдэг бол хуульчийн ажил биш байж магадгүй.

Хууль зүйн яаманд сэлэм эргүүлж давхидаг шигээ хотыг удирдана гэж байхгүй. Хүмүүсийг шоронд хийснээрээ хотын асуудал шийдэгдэхгүй.

Х.Нямбаатар сайдын бодож бодож оруулж ирж буй хууль нь 27500 төгрөг хураах. Долоо хоногийн дотор хууль оруулж ирж байна. Ийм зүйл байдаггүй юм" гэв. 

Д.Батчулуун