Орон нутгийн сонгууль болж өнгөрлөө. НИТХ-ын сонгуулиар Монгол ардын нам 40 суудал авч, үнэмлэхгүй ялсанаар хотыг удирдах эрхийг Х.Нямбаатар ирэх дөрвөн жилд гартаа авсан гэсэн үг. Түүнийг улираан томилсон нь ч үүний нотолгоо. Тэрбээр "Ирэх дөрвөн жил бол нийслэл хотын хувьд их бүтээн байгуулалт, үсрэнгүй хөгжлийн үе байх болно" гэж ярьсан. Тэр их бүтээн байгуулалтынх нь оргилд "метро" заларч буй. Чухамдаа үүнийг "сэрүүн зүүд" гэж шүүмжлэх нь олон. Харин НИТХ-ын сонгуулийн мөрийн хөтөлбөрт дөрвөн жилд хийж барахааргүй мэт харагдах ажлууд дурайна. Гэхдээ эхлүүлсэн хойно дуустал хотын дарга байх Х.Нямбаатарын замнал үүгээр эхэлж байна. Одоо иргэд Х.Нямбаатар болон түүний багаас дараах онцлох бүтээн байгуулалтыг хүлээж бас нэхэж, хянах эрх иргэдэд бий. 

Улаанбаатар метро 

Улаанбаатар метроны нэгдзүгээр шугам нь Сонсголонгийн уулзвараас Амгалан хүртэл 17.7 км урт, 6.6 км нь газар доогуур хийгдэх бөгөөд нийт 14 буудалтай, буудал хооронд дундуаар 1.3 км зайтай байна. Уг метро 17 мянган хүн тээвэрлэх ба эхний буудлаа эцсийн буупал хүртэл 39.2 км дундаж хурдтайгаар 27 минут зорчих хүчин чадалтай байхаар төлөвлөгджээ.

2030 оны 9 дүгээр сард Метроны үйл ажиллагааг ашиглалтад шилжүүлэн өгнө гэж мөрийн хөтөлбөр бүхий сэтгүүлд дурдсан байна. 

20 минутын хот

Улаанбаатар хотын 2040 он хүртэлх хөгжлийн ерөнхий төлөвлөгөөнд тусгаснаар нийслэл Улаанбаатар хотыг 2 хот, орон нутгийн зэрэглэлтэй 14 хот, дагуул хотуудад хуваан бие даан хөгжүүлэх замаар иргэн бүр нийгмийн болон төрийн суурь үйлчилгээг 20 минут алхах зайнд авах цахим төлөвлөлт бүхий нэгдсэсн стандартыг бий болгоно. 

• Улсын зэрэглэлтэй 2 хот нь Багануур, Налайх байна.

Нийслэлийн дагуул хот

• Багахангай
• Агросити
• Шарга морьт хот 
• Шинэ Зуунмод хот

Орон нутгийн зэрэглэлтэй хот: Хан-Уул, Яармаг, Буянт-Ухаа, Сонгинохайрхан, Өнөр, Баянгол, Чингэлтэй, Сэлбэ, Сүхбаатар, Дарь-Эх хот

88 км тойрог хурдны зам 

Шинэ тойрог зам нь 6 дүүргийн нутаг дэвсгэрийг дамнан, дэд төвүүдийг холбосон, олон түвшний огтлолцол бүхий байна. 

Тусгай замын автобус "BRT" төсөл

Энэхүү төслийн Азийн хөгжлийн банкны санхүүжилтээр 2025-2027 онд хэрэгжүүлнэ. Төслийн нэгдүгээр шатанд холбогдох трассыг Ард Аюушийн өргөн чөлөө Их тойруу-Намъянжүгийн гудамж-Нийслэл хүрээ өргөн чөлөө дагуу төлөвлөжээ. Шийдлийн хувьд автобус нь хоёр урсгалтай, 12.6 км урттай, авто замын дотор эгнээгээр явах бөгөөд зорчигчид аль ч чиглэлд сууж явах боломжтой аж. 

Авто замын хөдөлгөөн төмөр замтай давхцахгүй болно 

Бөөрөлжүүтийн цахилгаан станцын хоёрдугаар ээлж болох 150 мВт цахилгаан станцыг 2025 онд ашиглалтад оруулна. 

М.Жаргал