"Америкчуудыг Ойрхи Дорнодод илүү анхаарлаа хандуулж байгаа, Украин улс тэднийг алдахыг хүсэхгүй байна" гэж Украины Ерөнхийлөгч Владимир Зеленский мэдэгдэв.
Ойрхи Дорнодын мөргөлдөөн Украиныг сүүлийн дөрвөн жилийн турш нөмөрсөн дайны анхаарлын төвөөс холдуулж, ОХУ-ын харгис дайралтууд дэлхий нийтийг сатаарсан үед улам ширүүсэх вий гэсэн болгоомжлол Киевт улам бүр нэмэгдэж байгаа нь мэдээж.
Түүнчлэн ням гарагт гаргасан уг мэдэгдэлдээ, АНУ Иранд цохилт өгөхдөө ашиглаж буй зэвсгийн хэмжээнд зовниж байгаагаа хэлээд, Украинд нийлүүлдэг зэр зэвсгийн хэмжээ огцом буурсныг сануулжээ. Тэрбээр "Эдгээр нь бидний хувьд чухал хамгаалалт байсан" гэв.
Зеленский мөн Ираны халдлагад өртөж буй Персийн булангийн орнуудад тусалж буй Украины дрон мэргэжилтнүүдийн талаар дэлгэрэнгүй мэдээлэл өгсөн. Тэрбээр Батлан хамгаалахын сайд Рустем Умеровын удирдсан гурван том баг тус бүс нутагт Ираны дрон халдлагыг эсэргүүцэх талаар зөвлөгөө өгч байгаа гэдгийг батлав.
"Америкчууд бидэнтэй хэд хэдэн удаа холбогдсон. Тодорхой улсад тусламж үзүүлэх эсвэл америкчуудыг дэмжих хэд хэдэн хүсэлт ирсэн. Одоогоор бид энгийн иргэд болон баазуудыг хамгаалахад туслах зааварчилгаа, зөвлөгөө өгч байна" гэж Зеленский нэмж дурджээ.
Л.Баяр
Сэтгэгдэл (2)