БАРИМТ 1
Х.Цагаанбаатар нь 1984 оны 3 сарын 19-нд Увс аймгийн Баруунтуруун суманд төрсөн.
БАРИМТ 2
Монгол Улсын гавьяат тамирчин, хөдөлмөрийн баатар цолтой, Азийн наадмын аварга, Азийн хошой аварга, Самбо бөхийн дэлхийн хошой аварга. Монгол Улсын оны шилдэг тамирчны "Бөртэ чоно" цомыг гурван удаа (2004, 2006, 2009) хүртсэн.
БАРИМТ 3
Түүнийг 2 настай байхад нь эцэг нь нас барж эх Наранцэцэг хоёр хүүхдийнхээ хамт Дархан хот руу нүүжээ.
БАРИМТ 4
Х.Цагаанбаатар 1990 онд Дархан хотын нэгдүгээр дунд сургуульд элсэн суралцсан байна.
БАРИМТ 5
Аварга Биеийн Тамирын Дээд Сургуулийг төгссөн.
БАРИМТ 6
2004 оны Афины олимпоос 60 кг-ийн жинд хүрэл медаль хүртсэн
БАРИМТ 7
Дэлхийн АШТ, анхны алтан медаль эх орондоо авчирсан. 2009 он, Роттердам, Нидерланд
БАРИМТ 8
2010 оны ДАШТ-ий хүрэл медаль хүртжээ.
БАРИМТ 9
Азийн наадам, алтан медаль. 2006 он, Доха, Катар
БАРИМТ 10
Олимп, хүрэл медаль. 2004 он, Афин, Грек
БАРИМТ 11
Азийн ААШТ, алтан медаль. 2005 он
БАРИМТ 12
Азийн ААШТ, алтан медаль. 2003 он, Чэжү, БНСУ
БАРИМТ 13
Самбо бөхийн дэлхийн АШТ - хошой аварга (2005, 2009).
БАРИМТ 14
2023 оны 1-р сард албан ёсоор зодог тайлсан байна.
БАРИМТ 15
Тэрбээр үндэсний бөхөөр хичээллэж, улсын наадамд барилдаж байсан.
БАРИМТ 16
Ардын хувьсгалын 81 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Хужирт сумын харьяат улсын заан Ёндонгийн Ишгэнд өвдөг шороодсон.
БАРИМТ 17
Ардын хувьсгалын 84 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Өлзийт сумын харьяат улсын начин Лхагвадоржийн Наранбаатарт өвдөг шороодсон.
БАРИМТ 18
Тулгар төрийн 2220 жилийн ой, Их Монгол улс байгуулагдсаны 805 жилийн ой, Ардын хувьсгалын 90 жилийн ой, үндэсний их баяр наадмын хүчит бөхийн барилдааны нэгийн даваанд Увс аймгийн Зүүнхангай сумын харьяат сумын заан Хулгарын Цэрэнвандангаар давж хоёрын даваанд Завхан аймгийн Яруу сумын харьяат аймгийн заан Ишжанцангийн Батсайханд өвдөг шороодсон.
БАРИМТ 19
Тулгар төрийн 2225 жилийн ой, Их Монгол улс байгуулагдсаны 810 жилийн ой, Ардын хувьсгалын 95 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Зүүнбаян-Улаан сумын харьяат сумын заан Баянзулын Цэдэнсодномоор давж Архангай аймгийн Эрдэнэмандал сумын харьяат аймгийн заан Энхтайваны Мөнхбатад өвдөг шороодсон.
БАРИМТ 20
Тэрбээр 2007 онд Дорноговь аймгийн баяр наадамд аймгийн арслан Ш.Жаргалсайханаар долоо давж түрүүлэн "Аймгийн арслан " цол хүртсэн.
БАРИМТ 21
2014 онд Дархан-Уул аймгийн баяр наадамд тав давж шөвгөрөн чимэг нэмсэн.
БАРИМТ 22
Мөн 2019 онд Налайх хотын баяр наадамд тав давж шөвгөрөн чимэг нэмсэн.
БАРИМТ 23
Түүний эхнэр нь мөн 2008 оны Бээжингийн олимпын гар бууны 25 метрийн төрлийн мөнгөн медальт, гавъяат тамирчин Отрядын Гүндэгмаа юм. Мөн тэрээр 6 олимпод дараалан оролцсон Монгол улсын анхны эмэгтэй тамирчин юм.
БАРИМТ 24
Хосууд хоёулаа гавьяат тамирчин бөгөөд олимпын медальтан юм.
Сэтгэгдэл (5)