Дэлхийн II дайны үеийн нууц код тайлагч Алан Тюрингийн хиймэл оюун ухаантай роботоор зурсан зураг дуудлага худалдаагаар 1,084,800 ам.доллараар зарагджээ.

Sotheby's дуудлага худалдааны төвөөс "AI God" дижитал урлагийн бүтээлийг худалдан авах 27 санал ирсэн аж. Уг бүтээлийг 120-180 мянган ам.долларын хооронд зарна гэж тооцоолж байжээ. Математикч Тьюринг бол компьютерийн шинжлэх ухааны анхдагч бөгөөд хиймэл оюун ухааны (AI) эцэг гэгддэг. 

Дуудлага худалдааны төвөөс энэхүү түүхэн худалдаа нь "Дэлхийн урлагийн зах зээлд шинэ амжилт болж, хүн дүрст роботын урлагийн бүтээлийн дуудлага худалдааны жишиг шалгуурыг бий болгож байна" гэж мэдэгджээ. 

Л.Баяр