"Этик" продакшны жүжигчин С.Одбаярын бусдыг зодож буй бичлэг цахим сүлжээнд цацагдаж, олны хараал, ерөөлийг барж байгаа. Мөн тэдний "Хэлгүй жим II:Дада" киног бүх кино театрууд татан буулгасан билээ. Жүжигчин С.Одбаяр тайлбар хийж, өөрийн бууруу биш ч уучлал гуйсан утга бүхий зүйл ярьсан. "Этик" продакшн ч хэрэг явдлыг "жүжигчний хувийн асуудал" хэмээсэн. Тэгвэл тэднийг жүжигчин, мисс Б.Гэрэлчулуун өмөөрчээ. 

Тэрбээр фейсбүүк хуудсандаа "Эр хүмүүс нэг алдаа л биз... яадаг юм. Улс орноо зараад, утаа тортогонд амьдруулаад, улсын адаг болгосон биш...яадаг юм. Авлига хээл хахууль өгч, хүүхэд хүчирхийлж, улсын мөнгө идэж, тансаглаж дарвайсан биш үхсэн, яадаг юм. Эрчүүдийн хоорондын асуудал зодоон маргаан, алиа маазраан хаана ч байдаг. Байсаар ч байна... яадаг юм. Надад ч арзагнах дүрэмгүй, дураараа явдаг үе байдаг... яадаг юм. Залуу хүмүүсийг хазайсан дээр нь түлхэж, эрч хүч, хүсэл мөрөөдөл, авьяас юугий нь унтрааж болохгүй шүү дээ. Доромжилж, муулж, адалмаар байгаа бол тэр төр засгийн хэдээ л тэг!!!!! Урлаг соёлынхон хэнд ч гай болоогүй явцгаадаг шүү. Муулах болохоор хомроглож ирээд л сэвнэ. Баярлаж цэнгэх болхоор ийм ч дуучин байна уу, тийм ч хөтлөгч, жүжигчин байна уу? гээд л амьсгаадна... муухай шүү, муухай!!!! Хүнд зовлонгоос илүү жаргадаг өдөр олон байдаг. Араа бодоорой Гочоонуудаа. Ёстой өмөөрнө шүү. Хаана ч хүнийг ялгаж харьцдаггүй, мэндтэй устай, тусч, хөдөлмөрч, зүтгэлтэй, цайлган сайхан залуусыг л би мэднэ. Солонгосд л олны танилаа нэг л буруу гишгэвэл нийтээр нь муулсаар байгаад энэ ёртөнцөөс явуулдаг гэж сонсож байсан...Бид цөөхүүлээ ийм хатуу байж болохгүй!!! Би ч, та ч алдана...бидний үр хүүхэд ач зээ нар ч алдана. Жаахан дотор сэтгэлтэй байгаач" хэмээжээ. 

Л.Баяр