Хот, тосгоны эрх зүйн байдлын тухай хууль /Шинэчилсэн найруулга/-д өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.05.09-ний өдөр өргөн мэдүүлсэн, хэлэлцэх эсэх/ хэлэлцэж байна. Энэ үеэр Хотын дарга Х.Нямбаатар чуулганы хуралдаанд оролцож, асуултад хариуллаа. 

Тэрбээр "Хятад компанийг тендерт шалгаруулъя гэдэг зохицуулалт, тохируулга хийж орж ирээгүй. Дөрвөн багц тус бүр дээр тухайн компанийн сүүлийн гурван жилийн борлуулалтын дундаж орлогын 30 хувь болгож босго л тавьж байгаа юм. Энэ бол тендерийн хуулинд байгаа өнөөдрийн яригдаж байгаа заалт. Багц тус бүр дээр 10 гаруй компани орж ирсэн. Нээлттэй сонгон шалгаруулалт хийсэн. Ямар нэгэн нууц тушаал, шууд гэрээ хийгдээгүй. Түншлэл болон туслангийн хувь хэмжээг заасан байгаа. Бид бүх боломжуудыг нээж оруулсан. Тендер дээр сонсгол явуулбал хамтарч ажиллахад бэлэн байна" гэв.