Энэ долоо хоногийн зурхайг хүргэж байна. 

Хонь

Долоо хоногийн эхээр ядарч туйлдаж, өөрийгөө шүүмжлэх хандлагатай байна. Гэхдээ долоо хоногийн дунд үеэс эхлэн тайван амралтын горимдоо шилжих бололтой. Өөрчлөлт аяндаа ирэх нь тодорхой тул яаран хөдөлж, томоохон төлөвлөгөө бүү гаргаарай. Байгаа зүйлдээ талархалтай хандахын тулд ойр хавь, эргэн тойрноо шинэ нүдээр хар. Өөрт байдаг сайн сайхан чанаруудаа өнгөлөн зүлгэж гаргаж ир. Тархийг тань хэт ажиллуулах зүйлсээс түрдээ татгалзсан нь дээр. Оюун санаа төвлөрсөн, сахилга баттай үедээ шинэ зүйл эхлүүлээрэй. Санхүүгийн байдал тогтворгүй байна. Зарцуулах, үрэх зуршил тань бүхний тэргүүнд байх бололтой. Хайр дурлалын харилцаа төөрөгдөл үүсгэж магадгүй. Шинэ харилцаа холбоог төвөгшөөж хүлээж авалгүй харин боломж гэж хараарай. Аль эсвэл хуучин хайр дурлал тань сэргэж магадгүй.

Үхэр 

Энэ долоо хоногт сайн, муу ээлжилнэ. Таны ажил хэрэг оволзсоор, яаралтай горим дээр өрнөсөөр л байх бололтой. Аялал, бичиг цаасны ажил, найз нөхөд зэрэг янз бүрийн зүйлс давхцаж, та тайван бус байна. Өөрчлөгдөж буй нөхцөл байдалд соргог байж, дахин тохируулгыг дор бүр нь хийгээрэй. Гэр бүлийнхээ аюулгүй байдалд анхаарал хандуулах шаардлагатай. Ирэх сар гарахаас нааш орон байр солих, шинээр худалдан авах талаар бодох хэрэггүй. Шинэ төсөл, шинэ харилцаа холбоог эхлүүлэх гэж яарах хэрэггүй. Заримдаа бужигнаж буй олноос холдож, тайван газар олвол танд тустай. Нөхөрлөлийн хүч таны амьдралын гол сэдэв байх болно. Ажлын хуваарь хяналтаас гадуур гарч, бухимдал төрүүлнэ. Аливаа зүйлийн учир шалтгааныг тунгаан бодож чадвал асуудлын шийдэл амархан олдоно.

Ихэр 

Долоо хоногийг шинэлэг уур амьсгалтай эхлүүлж, үүнийхээ тусламжтайгаар дарга эсвэл "VIP" хүмүүстэй холбоо тогтоож чадна.  Тэсэн ядан хүлээж байсан найзуудын уулзалт тань хойшлогдох бололтой. Эсвэл танаас шалтгаалан эцсийн мөчид цуцлагдаж магадгүй. Танд ажил дээрээ зохицуулах шаардлагатай зүйлс гарна. Гэр бүл дотор зөрчилдөөн үүснэ. Та ирээдүйнхээ төлөө байр сууриа илэрхийлэх хэрэгтэй болж магадгүй юм. Яг одоо та багахан л хичээл зүтгэл гаргавал удаан хүсч мөрөөдөж байсан зүйлсийнхээ эхлэлийг тавьж чадна. Удаан боловч биелэх магадлал өндөр гэдгийг ойлгоорой. Хэлэх үг, хийх үйлдлээ зөрүүлэхгүйг хичээж, баримттай, сахилга баттай байгаарай. Хийх зүйлсийнхээ жагсаалтыг бичгээр нягт нямбай гарга. Хуучин найз тань холбогдож магадгүй. Хайр дурлалын шинэ харилцаа эхлүүлэхэд төдийлөн тохиромжтой биш.

Мэлхий 

Зуны улирал эхлээд хамаг амьтан тал тал тийш тарж одсон нь таны стрессийг хөдөлгөж магадгүй. Хариу үйлдэл үзүүлэхдээ удаан хүмүүсээс юм хүлээгээд сандарч тэвдэнэ. Ажил бүтээхэд хүнд суртал саад болох ч гэлээ таны хувь хүний аз хаа холдох билээ. Санхүүгийн зарцуулалтаа эргэцүүлэн бодож, тодорхой төлөвлөгөө гаргах хэрэгтэй. Бэлэн мөнгөний урсгалаа урьдчилан хатуу төлөвлө. Таны эрч хүч, сэтгэл татам байдал, бусдад нөлөөлөх чадвар өндөр байна. Ирэх сар гарахаас нааш ямар нэгэн шинэ төсөл, харилцааг эхлүүлж, чухал худалдан авалт хийх хэрэггүй. Шүүх цагдаатай холбоотой асуудал байгаа бол хэрэг нөгөө талд шийдэгдэх магадлалтай байна. Бичиг цаастай холбоотой ажил их байна. Долоо хоногийн сүүлээр найз нөхөдтэйгөө уулзаж, сонирхолтой зүйл хийгээрэй.

Арслан 

Аялал, боловсролын асуудлаар хатуу шийдвэр гаргаснаар долоо хоног эхэлнэ. Таны сонголт урт хугацаандаа нөлөөтэй тул цаг заваа зарцуулаарай. Хүч чадлаа нээх олон шинэ боломжийг энэ долоо хоног танд авчирна. Хамт олон, найз нөхдөөсөө зөвлөгөө хүс. Сэтгэлийн хөдөлгөөн багатай байж чадвал зорилгоо биелүүлэхэд илүү таатай байна. Та ядарч туйлдсан ч гэлээ бусад хүмүүст хэрэг болсоор л байх бололтой. Өнөөдрийг хүртэл гаргасан төлөвлөгөөгөө өөрчлөхөөс өөр аргагүйд хүрч магадгүй. Санхүүгийн байдал савлагаа ихтэй байна. Их хэмжээний мөнгө орж ирнэ. Гэхдээ орж ирсэнийх нь зоргоор хаа хамаагүй цацахаас сэргийл. Долоо хоногийн дунд үеэр тааварлашгүй аз тохионо. Харин долоо хоногийн сүүлээр амбицтай байхыг од эрхэс зөвлөж байна. Удирдлага тань таны гүйцэтгэлийг харж байгаа.

Охин 

Урт хугацааны зорилгодоо анхаарал хандуулж, юм бүхнийг нухацтай бодож эхлэх цаг тань болжээ. Элдэв овоорсон өр шир байгаа бол хойшлуулах хэрэггүй. Өөрийн удирдаж, хянаж чадахгүй байгаа зүйлээ шударгаар хүлээн зөвшөөр. Мэргэжлийн түвшинд ахиж, хөшигний ард байсан ч гүйцэтгэл сайтайгаар ажлаа үргэлжлүүлсээр байхыг зөвлөе. Хайр дурлалын харилцаа бүтэмжтэй, романтик байна. Гэхдээ энэ харилцаанаасаа чухам юу хүсээд байгаагаа мэдэхгүй төөрөлдөж магадгүй. Хүсч буй зүйлсээ эрэмбэлээд, илүү зоригтой байх хэрэгтэй. Шаардлагатай бол дотны хүмүүстэйгээ ярилц. Шинэ төсөл, шинэ харилцаа, томоохон худалдан авалтаас татгалз. Цаг хугацааны явцад бүтэлгүйтэх магадлалтай. Эрүүл мэндтэй холбоотой асуудлыг үл тоомсорлож болохгүй. Холын аялал, хурим гэх мэтээр сэтгэл сэргээсэн зүйлсэд татагдан орж магадгүй.

Жинлүүр 

Таны харилцааны хил хязгаарыг шалгах долоо хоног. Та өөрийнхөө сайн сайхны төлөө үгүй гэж хариулаад, ганцаардаж магадгүй юм. Хуучин найз нөхөдтэйгөө холбогдоход тохиромжтой. Мөн шинэ зүйл сурах, төлөвлөгөөгөө эргэн харахад тохиромжтой. Амралт зугаалгын цаг үргэлжилж байгаа ч гэлээ дуусгах ёстой зүйлдээ ажил хэрэгчээр хандаарай. Ажлаа гүйцээ, эрчээ битгий сулруул. Өөрийн хил хязгаараа хамгаалахын тулд хайртай хүнтэйгээ үр дүнтэй яриа өрнүүлнэ. Нийгэмд эзлэх байр суурь, нэр хүнд, хүсэл тэмүүлэл гэсэн зүйлсээ бодоод амбицтай байх хэрэгтэй. Дайсагнагч этгээдүүд болон бүдүүлэг хүмүүсээс зайлсхийх хэрэгтэй. Аливаа зүйлээс сайн сайхныг олж хардаг нүдээ нээ. Мөнгө санхүүтэй холбоотой томоохон шийдвэрийг долоо хоногийн сүүлээр гаргаж магадгүй.

Хилэнц

Энэ долоо хоногт таны өдөр тутмын хэмнэл болон эрүүл мэндтэй холбоотой асуудлууд оргилдоо хүрч магадгүй. Хэмнэлээ олоход багагүй цаг хугацаа, хичээл зүтгэл шаардагдана. Ажил мэргэжил, карьертай холбоотой бүтцийн асуудлуудыг дахин төлөвлөж, зохион байгуул. Ажлын дадлага эхлүүлэх, шинэ ажилд орох, эсвэл ажлын байр солих гэж байгаа бол бусдыг ойлгож, зөөлөн хандах хэрэгтэй. Өөртөө ч бас зөөлөн ууч хандаж, найдвараа бүү алд. Ганц бие хүмүүс урт хугацааны амлалт өгч чадах хэн нэгэнтэй танилцаж магадгүй. Оюуны эрч хүч тань их байгаа тул гадаад явах, шалгалт өгөх, сургуульд элсэх зэрэгт тохиромжтой. Санхүүгийн байдал тогтвортой байна. Таны ажил хэрэг наймдугаар сарын дунд үе хүртэл удаашрах хандлагатай байгаа тул тэвчээртэй байж, бусдыг ойлгож хандаарай.

Нум 

Шинэ, танил бус орон зайд дасан зохицох долоо хоног. Мөн аялал төлөвлөх, гадаадад хамт сурч байсан дотны найзтайгаа дахин холбоо тогтооход төгс үе. Туйлбаргүй харилцаагаа дуусгавар болгож, уран бүтээлийн төслөө өөрчилж магадгүй. Эхэндээ гэнэтийн, гунигтай санагдаж магадгүй ч эцэстээ тайвшрал, чөлөөт цагийг танд авчирна. Таны сэтгэл санаа сэргэж, шинэ сорилтуудыг хүлээн авахад бэлэн болно. Өмнөх хайрын түүхээ дахин эхлүүлэх магадлалтай байна. Гэхдээ энэ түүх таны өөрийгөө үнэлэх үнэлэмжтэй холбогддог гэдгийг санаарай. Санхүүгийн томоохон боломж гарч ирж магадгүй. Гэхдээ томоохон худалдан авалтаас зайлсхий. Та шударга, чин сэтгэлтэй байж гэмээнэ таны өмнө азын хаалга нээлттэй. Эрх мэдэлтэй хүмүүс танд хатуурхаж магадгүй. Тэдэнтэй маргалдалгүй, даруу, тайван байгаарай.

Матар 

Энэ долоо хоногт таны гол анхаарал хамтын ажиллагаан дээр төвлөрнө. Бусадтай зохицон ажиллах, тэдний үгийг анхааралтай сонсохын чухлыг бүү март. Та өмнө нь зайлсхийж байсан хүнд нөхцөлтэй зайлшгүй нүүр тулж, бодит байдалтай эвлэрэх шаардлагатай болно. Санхүүгийн байдалдаа дүн шинжилгээ хийж, өр зээлээ нэгтгэн эмхэл. Ажлын урамшуулал, цалингийн нөхцөлөө ч дахин ярихад гэмгүй. Хэрвээ та чөлөөт уран бүтээлч бол үнэ ханшаа шинэчлэн тохир. Хэрэв таны найзууд ухаалаг, бодитой зөвлөгөө хайж байвал энэ нь таны гэрэлтэх мөч шүү. Таны хэлсэн үг бүр бусдын сэтгэлд гүнзгий тусна. Хайртай хүнийхээ хэрэгцээ, сэтгэл зүйд анхаарлаа хандуул. Харин та ганц бие бол эрч хүчээ бүтээлч зүйлсэд зориулаарай. Сэтгэл зүйн асуудалтайгаа тулж ажиллахыг хүсвэл тэмдэглэл хөтлө.

Хумх 

Ялалтаа бүтээх, зорьсондоо хүрэхийн төлөө тэмцэх долоо хоног. Гайхамшигтай түүхийг бичихийн тулд санаачлагатай байж, дотоод хүчээ нээ. Ах дүү эсвэл ойрын найзтайгаа зөрчилдөж магадгүй. Сэтгэл санааны эрүүл мэндээ хамгаалахын тулд олон нийтийн арга хэмжээнд оролцох юм уу аялалд гараарай. Үзэл бодлоо чөлөөтэй илэрхийлж, гайхалтай санаануудаа бусадтай хуваалц. Эрүүл мэндтэй холбоотой асуудлыг үл тоомсорлож болохгүй. Ялангуяа арьс, ходоодтой холбоотой эрүүл мэндийн асуудал үүсч магадгүй. Өдөр тутмын ажил үүрэг тань хүнд дөнгө мэт санагдаж эхэлнэ. Гэсэн ч эцэстээ таны хийж буй ажил аз, боломжийг дагуулах тул бүү шантраарай. Санхүүгийн асуудалд хэт сэтгэл хөдлөлөөр хандахаас зайлсхий. Шинэ төсөл, шинэ харилцаа эхлүүлэх, томоохон худалдан авалт хийх хэрэггүй.

Загас 

Ажил, амьдралынхаа заагийг тодорхой болгохыг од эрхэс танаас шаардаж байна. Өдөр тутмын ажлын урсгалаа эргэн харж, илүү тогтвортой системтэй бол. Санхүүгийн асуудал таныг нэлээн тэвдүүлж, чөдөрлөж магадгүй. Богино хугацааны таашаалын оронд урт хугацааны хөрөнгө оруулалтыг сонгоорой. Өөртөө цаг гаргаж, өнөөдрийн зорилгоо шударгаар харж, урагшлахын тулд аливааг аажмаар хий. Аливаа харилцаанд тайван, биеэ барьж хандахгүй бол уур уцаар давамгайлж байна. Дипломат зангаа бүү гээ. Зөөлөн бай. Ар гэрийн уур амьсгал сайхан, тайван, сэтгэлд дулаан байна. Санхүүгийн томоохон зарлага гаргавал хожим харамсана. Ажил дээр будилаан, тодорхойгүй байдалтай нүүр тулж магадгүй. Гүнзгий амьсгалаад, удаанаар, ухаалгаар бүхнийг төлөвлө. Яарвал даардаг гэдгийг с