"Хонгор нутаг" дууг дуулсан талаараа дуучин Э.Энх-Эрдэнэ "Хонгор нутаг дууны талаар мэдээлэл авъя гэсэн байна. Өөрийнхөө хэмжээнд дууг дуулсан талаараа дурдъя! Бүтсэн талаар бол, зохиогчоос асуусан нь зөв болов уу? Хөдөлмөрийн баатар АУЗ П.Бадарч гуайн шүлэг, Нэрт хөгжмийн зохиолч АЖ П.Хаянхярваа гуайн хөгжим "Хонгор нутгийн түмэндээ" нэртэй зохиогдсон. Өөрийн клипэн дээрээ "Хонгор нутаг" гэж бичсэн. Тухай үедээ дууны аяыг мэддэг мөртлөө дуучны бичлэг олж сонсож чадаагүй, хүүхэд байхад нутгийн ард , найран дээр дуулахыг их сонссон.
2010 онд МУГЖ Н.Чулуунхүү ах маань 70-аад оны үед танай Хонгор нутгийн дууг анх дуулж билээ, "Одоо миний хүү чи дуулна шүү" гэж хэлээд дуулуулсан даа. Үнэхээр сайхан сэтгэлтэй мундаг хүн дээ. Урлагийнхан бүгд л том ах гэж хүндэлнэ.
Эхний хөгжмийн найруулга, хоолой бичлэг 2010 онд хийсэн, 2011 онд анхны тоглолтон дээрээ дуулсан, төдийлөн сайн түгээж чадаагүй, нутгийн цагаан хоолойгоор буюу зах дээр л их явдаг байсан.
Хоёр дахь хөжмийн найруулгын оролдлого. 2014 онд Эгшиг студи дээр хийсэн. Масс дагаад дуулахад эвтэйхэн, өрнөлтэй, хөнгөн, хөгжимлөг, тэмүүлэлтэй, тодорхой, энгийн гоё найруулга хийгээд өгөөч гээд л очсон. Яг л санаснаар минь хийж өгсөн дөө. /Талархдаг/
Харин дуулалтандаа сэтгэл хангалуун байгаагүй, явах болгонд л дахиад дуулчихмаар санагддаг. Клипийг 2015 онд Баянхонгорын Баян-Овоо сумын ард иргэд, Засаг даргын санаачлагаар "Хишиг студи" Хонгор нутгийг бүтэн тойрч хийж өгсөн. /Бүгдэд талархдаг/
Маркeтинг нь "МАЛЧИН" ТВ 2015, 16, 17 онуудад түгээж өгсөн дөө. /Талархдаг./
Малчин ТB-гээс шилдэг, сайн малчиддаа зориулж малгай гаргаж байсан юм байна лээ, тэр малгайны залаа тэмдэг уг дуун дээр, гардаг болохоор цацалт нь түлхүү байсан шүү гэж сонссон.
Тухайн үед орон нутгийн тоглолтоор явахад
Түгээлт нь Монгол орон даяар маш сайн сэргээгдэж тархаж , хит болж байгаа нь мэдрэгдсэн, бүүр нэхэж дуулуулдаг байсан. Бусад аймгийн сонсогч нар, ганц танай аймгийн дуу гэж сонсдоггүй ээ, бүх нутаг хонгортож шаргалтаж харагддаг, тийм учраас, өөрсдийнхөө Хонгор, шаргал нутагтаа хайртай гэж төсөөлж сонсдог шүү гэж ярихыг зөндөө сонссон.
Нутгийнхаа дууг алдаршуулаад, дуулж яваа бүх дуучдаар бахархдаг.
Энэ сайхан дуунуудыг энэ, тэр гэж ялгалгүй бүгд сайхан үргэлжлүүлээд дуулах хэрэгтэй гэж боддог. Өнгө мөнгө боддоггүй зохиогч нар, өөрийнхөө бүтээлүүдийг үеийн үед , өнө мөнхөд, үргэлжлүүлэн үлдээх маш их сонирхолтой байдаг. Монгол хүн та ч бүгд дуулаарай гэдэг. Бүгдээрээ нийлээд Э.Батмагнайгийнхаа нэрийн хуудас дууг л ойртуулаад байсан байна. Одоо ч Арслан дүүгийн маань трэнд дуу болжээ. Юм учиртай. Удахгүй аварга болоорой!
Хурай хурай хурай...
Бүгдэд талархая" хэмээн бичжээ.
