БНХАУ-ын "Lingtong" нэртэй робот зохион бүтээгч баг саяхан анхны бүтээгдэхүүн болох NIA - F01 (Хятад нэр: Nian)-ыг танилцуулжээ. Энэ бол ердөө 56 см өндөртэй, хиймэл оюун ухаантай, хүн дүрст робот юм. Энгийн роботуудаас хамгийн том ялгаатай нь эмэгтэй хүний дүрд тулгуурлан бүтээгдсэн бөгөөд гадаад төрх нь "аниме - стиль" юм. Зарим шинжээчид уг роботыг эрчүүдэд найз охиныг нь орлох боломжтой гэж үзэж байгаа аж.
Хиймэл оюуны хөгжингүй энэ үед хүн дүрст роботын технологи байнгын шинэчлэл дор буй. Мэдээжийн хэрэг, тэдний зорилго бол илүү хүний төрхтэй, бүр хүнийх шиг арьстай роботуудыг бүтээх явдал ажээ. Зарим шинжлэх ухааны уран зөгнөлт зохиолуудад тэд "андроид" гэсэн тодорхой нэртэй байдаг бөгөөд гадаад төрх нь Lingtong-ийн бүтээсэн "NIA - F01"-тэй төстэй байдаг.
Шинжлэх ухааны олон уран зөгнөлт зохиолуудад андроидууд хүмүүст ажлаа дуусгахад нь туслаад зогсохгүй өдөр тутмын амьдралаа авч явах, сэтгэл санааны хэрэгцээгээ хангах зэрэгт чухал үүргийг гүйцэтгэдэг. Жишээлбэл, "Blade Runner 2049" хэмээх шинжлэх ухааны уран зөгнөлт киноны гол дүрийн "К" нь виртуал найз охин бөгөөд хайрлах мэдэрхүйтэй байдаг. Хэдийгээр энэ нь кино боловч AI технологи хөгжихийн хэрээр бидний эргэн тойронд үүнтэй төстэй зүйл тохиолдсоор байгаа билээ.
Сэтгэл хөдлөлийн хэрэгцээ хүчтэй боловч ихэнхдээ хангагддаггүй энэ эрин үед хувийн сэтгэл хөдлөлийн хэрэгцээг хангахад зориулагдсан хиймэл оюун ухаантай хүн дүрст роботууд бидний амьдралыг хэрхэн өөрчлөх вэ? Ирээдүйн залуучууд Поп Мартын Лабубу шиг хүүхэлдэйн оронд "NIA - F01" шиг робот хүүхэлдэй худалдаж авсаар байх уу гэдэг дээр уг технологийн ирээдүй яригдана.
Мэдээжийн хэрэг, өнөөгийн хүн төрөлхтний бүтээсэн технологи нь шинжлэх ухааны уран зөгнөлт зохиолуудад дүрслэгдсэн түвшинд хүрэхээс хол байгаа бөгөөд хиймэл оюун ухааны том загварууд хүн шиг бодож суртлаа хол байгаа. Гэсэн хэдий ч энэ нь бидний сэтгэл хөдлөлийн хэрэгцээг хангах бүтээгдэхүүнийг бүтээхийн роботуудыг бие махбодтой, хүн дүрст байлгах нь энгийн зүйл мэт.
"NIA - F01" рүү буцаж орцгооё. Ойлгомжтой жишээ гэвэл Bandai-ийн "Mecha Girls" цуврал загварууд хамгийн ойрын тайлбар байж магадгүй юм. Үнэн хэрэгтээ "NIA - F01" нь хувийн DIY-ыг дэмждэг. Хэрэглэгчид "NIA - F01"-ын нүүрний дагалдах хэрэгсэл, үс, хувцас зэргийг сольж болно. Хэрэглэгчид бүтээгдэхүүнд багтсан орлуулах дагалдах хэрэгслээс гадна хиймэл үс, хувцсыг өөрийн гараар хийж, эсвэл захиалгаар хийлгэж роботоо өөрийн хүслээр бүтээж болох аж.
Зарим аниме шүтэн бишрэгчдийн хувьд хүссэн дүрээ робот болгох сайхан мөч мэт санагдаж байгаа байх. Гэсэн хэдий ч одоогоор энэ бүтээгдэхүүн нь хөдөлж, дуу чимээ гаргахаас гадна өөр ямар ч үүрэг гүйцэтгэдэггүй. Энэ нь ердөө 56 см өндөр, 1.2 кг-аас бага жинтэй. Тиймээс энэ нь танд гэрийн ажилд туслах эсвэл асуудлыг шийдвэрлэхэд тусална гэсэн үг биш юм.
Мэдээж уг роботоын хөдөлгөөн хүнийг бодвол хамаагүй болхи бөгөөд ECE алгоритмыг (Сэтгэл хөдлөлийн резонансын хөдөлгүүр) ашигласан олон төрлийн AI загваруудыг нэгтгэж, сэтгэл хөдлөлийг илэрхийлэх олон үйлдэл бүхий мэдээллийн сантай. "NIA - F01" нь хэрэглэгчийн сэтгэл хөдлөлийн хэрэгцээг хангах үүднээс нүднийхээ камераар дамжуулан хэрэглэгчийн үйлдэл болон эргэн тойрон дахь орчныг мэдээллийг дүгнэж, хэрэглэгчийн дуу хоолойны мэдээлэлд тохиромжтой үйлдэл, сэтгэл хөдлөлийг өөр дээрээ тохируулах боломжтой байгаа гэнэ.
Нэмж дурдахад, зохион бүтээгчид "NIA - F01"-д зориулан "сценарийг тохируулах хэрэгслүүд" -ийг бий болгосон. Хэрэглэгчид бодит хүмүүс, виртуал шүтээнүүд эсвэл анимэ баатруудын үйлдэл, дадал зуршил, дуу хоолойг роботдоо суулгах, тохируулах бүрэн боломжтой юм байна. Ингэснээр "NIA - F01" робот тэдгээрийн зан авирыг дуурайж тантай харилцах боломж бүрдэх ажээ.
Шинжлэх ухааны уран зөгнөлт бүтээлүүд шиг хиймэл оюун ухаант роботууд "муу санаа" агуулах эсэх нь одоогоор боломжгүй зүйл юм. Одоогийн хиймэл оюун ухаан нь "өөрийгөө ухамсарлах" боломжгүй байгаа нь үүний нотолгоо.
"Хиймэл оюун ухаан намайг жинхэнэ хүмүүсээс илүү сайн ойлгодог" гэсэн үзэл бодол хүн төрөлхтний дунд түгээмэл болж байгааг эрдэмтэд нотолсон. Энэ нь хүмүүсийн өнөөгийн сэтгэлийн эрүүл мэнд, уаашлаад хоорондын харилцааны нарийн чухал зүйлс хэр дутмагшилтай байгааг харуулж байна. "Хэрэглэгчдийг хиймэл оюун ухаантай эрүүл байдлаар харьцахад хэрхэн чиглүүлэх нь ирээдүйн хиймэл оюун ухааны салбарын анхаарах ёстой гол асуудлын нэг болж магадгүй" гэж дээрх роботыг бүтээгчид үзэж байна .
Хүн дүрст роботууд өдөр тутмын амьдралд үнэхээр нэвтэрч, бие даасан шийдвэр гаргах чадвартай болж эхлэхэд хэдэн жил дутуу бол. Ямартай ч уг робот нэг талаараа найз охиныг тань орлох бүтээгдэхүүн байж болох юм. Тэгэхээр та "дуулгавартай" робот найз охинтой болоход бэлэн үү. Маргахгүй, хаягдахгүй, үргэлж хүссэнээр чинь байдаг найз охинтой болохыг мөрөөддөг бол робот худлдаж авах л хэрэг гарах бололтой шүү.
Л.Баяр
