“Утга зохиолын 7 хоног” үргэлжилж байна. Энэ хүрээнд зохион байгуулагдаж буй “Залуу зохиолчдын өдөр” яруу найргийн уншлага өнөөдөр буюу есдүгээр сарын 26-ны 13:30 цагт Улсын драмын эрдмийн театрын өмнөх талбайд болно. Тус өдөрлөгт
- "Усны гудамж" уран бүтээлийн нэгдлийн уран бүтээлчид
- МУИС-ийн "Утга зохиолын нэгдэл" клубийн уран бүтээлчид
- СУИС-ийн "Эсрэг цаг" утга зохиолын клубийн уран бүтээлчид
- "Pallaswati" бүлгэмийн уран бүтээлчид оролцоно.
Мөн уншигч, уран бүтээлчдийг ойртуулах дараах арга хэмжээнүүд зохион байгуулагдах юм. Дурдвал:
- Уран зохиолын клубуудын өдөрлөг – залуу уншигч, сонирхогчдын харилцан туршлага солилцох талбар.
- “Зохиолч ба уран бүтээлчдийн дугуй ширээний ярилцлага” – уран бүтээлийн өнөөгийн чиг хандлага, сорилтын талаар хэлэлцэх.
- Жүжгийн зохиолчдын улсын уралдааны шагнал гардуулах ёслол – шинэ үеийн жүжгийн зохиолчдыг алдаршуулж, урамшуулах.
