“Орфей” театрын таван жилийн ой энэ онд тохиож байгаа билээ. Өнгөрсөн хугацаанд тус театрынхан Германы суут зохиолч И.В.Гётегийн насан туршдаа бичсэн зохиол гэгддэг “Фауст” зохиолоос сэдэвлэсэн “Фауст” постдрамын жүжгийг, Оросын нэрт зохиолч Ф.М.Достоевскийн “Гэм зэм” романаас сэдэвлэсэн ижил нэрт “Гэм зэм” постдрамын жүжгийг, “Broadway” театрын алдарт бүтээл, АНУ-ын зохиолч Жон Патрикийн “Everybody loves Opal” жүжгийг “Опал” нэртэйгээр болон саркастик мелодрам төрлөөр, Английн алдарт зохиолч Жорж Оруэллийн “1984” романаас сэдэвлэсэн “1984” постдрамын жүжгийг, Хятадын зохиолч Үй Хуагийн “Амьдрахуй” туужаас сэдэвлэсэн “Амьдрахуй” драмын жүжгийг нийтэд толилуулсан юм. 

Тэгвэл тэд энэ онд уран бүтээлүүдээсээ сорчлон үзэгчдэд дахин хүргэж буй. Тухайлбал, өнгөрсөн гуравдугаар сард “Амьдрахуй”, дөрөвдүгээр сард “1984” жүжгүүдээ дахин тоглосон.

Тэгвэл энэ удаад Ф.М.Достоевскийн “Гэм зэм” жүжгийг арваннэгдүгээр сарын 20-23-нд дөрвөн удаа "Тусгаар тогтголын ордон"-д тоглох юм байна.

“Гэм зэм” постдрамын жүжгийн тасалбарыг Ticket.mn-ээс худалдан авах боломжтой.