Энэ бол 1964 оны 6-р сар, Битлеманийн оргил үе байсан. Английн алдарт уг рок хамтлаг анхны дэлхийн аялан тоглолтоо эхлүүлж байсан бөгөөд энэ нь хөгжмийн ертөнцийн түүхэн дэх чухал мөч байв. Залуу гэрэл зурагчин Бент Реж тэрхүү сэтгэлийн хөөрлийг буулгахаар анх тэнд очжээ.

Реж Дани улсын Копенгагены нисэх онгоцны буудалд буух үед хамтлагийг олон зуун өсвөр насны шүтэн бишрэгчид угтан авав. Тэр орой "KB Hallen Arena"-д болсон тус хамтлагийн хоёр концертыг үзжээ. Харин түүний хамгийн дурсамжтай гэрэл зургуудын нэг нь шоуны дараа хамтлагийг цэнгээнт талбайгаас зочид буудал руу нь хүргэж байх үед авсан нь байв.

Энэ нь 24 настай Дани залуугийн зоримог алхам байсан бөгөөд тэр үеийн хамгийн нөлөө бүхий хөгжимчдийн зургийг авах богинохон боловч үр дүнтэй ажлын эхлэл байв. Дараагийн хэдэн жилийн турш Реж хайртай уран бүтээлчид болох The Rolling Stones, The Who, Bob Dylan, Jimi Hendrix зэрэг домгуудтай танилцах алхам эндээс эхэлсэн гэж хэлж болно. Тэднийг эх орондоо ирэхэд нь тайзан дээр ч, хөшигний ард ч зургийг нь дарах эрхэм үүрэг түүнд л байлаа. 

Режийн заримыг нь олон нийтэд бараг дэлгээгүй 200 гаруй гэрэл зургуудыг түүний шинэ ном болох "Мусик: 1960-аад оны гэрэл зургууд" номноос олж болно.

Копенгагенд болсон Битлзийн тоглолтын дараа Бент Английн Fabulous сэтгүүлтэй гэрээ байгуулж, Скандинавт айлчилж буй Британийн бүлгүүдийн зургийг авчээ. Түүний анхны томоохон даалгавар нь 1965 оны 4-р сард Копенгагенд ирсэн The Rolling Stones киноны сурвалжлага байв. Түүнийг зочид буудалд нь үдэшлэгт урьж, бүхэл бүтэн давхарыг захиалж өгсөн гэдэг. 

Гэрэл зурагчин номондоо "Би шөнийн үдэшлэгийн үеэр зураг аваагүй, тэд үүнийг анзаарсан байх гэж бодож байна. Энэ бол зүгээр л хэлээгүй тохиролцоо байсан. Хэзээ нэгэн цагт камераа хаях нь зүйн хэрэг. Үүний үр дүнд би тэдний итгэлийг олж авсан. Энэ нь хожим олон тохиолдлуудад хэрэг болж байлаа" гэжээ. 

Бентийн нэр хүнд энэ салбарт өсч эхэлсэн бөгөөд удалгүй одод болон тэдний менежерүүд түүнийг хайж эхлэв. "Бэнт хөгжимчид рүү дандаа ханддаггүй байсан. Заримдаа энэ нь Том Жонс болон "Хэн"-ийнх шиг эсрэгээрээ байсан" гэж түүний эхнэр Ингэ номондоо дурссан байдаг.

Чак Берри, Боб Дилан, Жими Хендрикс, The Kinks зэрэг илүү алдартай оддын зургийг авснаар Бентийн амжилт өссөөр байв. 

"Тэр яг л тэдэн шиг залуу байсан, бас жаахан галзуу байсан гэж би бодож байна. Магадгүй энэ нь өсөн нэмэгдэж буй залуу рок одуудад ашигтай байсан байх" гэж Ни Реж аавынхаа тухай дурсжээ. Магадгүй энэ нь түүний охины хэлснээр, Реж хөгжмийн том шүтэн бишрэгч биш байсан нь амжилтанд нь нөлөөлсөн байх. Тэдний алдартнуудын статус түүнийг айлгасангүй.

Хэдэн жилийн турш Бент рок хөгжмийн ийм эгзэгтэй үед тайзны ард байсан. Гэсэн хэдий ч тэр удаан байсангүй. 1966 оны арваннэгдүгээр сар гэхэд "Битлз" хамтлагийн зургийг авсныхаа хэдхэн жилийн дараа Бент загварын салбарт татагдан орж, Копенгаген хотод дэлгүүр нээсэн байна. Түүний хөгжмийн гэрэл зургийн карьер удахгүй дууссан. 

70-аад оны үед Бент мөн ферм худалдаж аваад үржлийн малтай болсон. Дараа нь тэрээр сурталчилгааны бизнест орсон. Тэр дахиж хөгжмийн салбарт хөл дүрээгүй. 

Улмаар тэр 2016 оны 1-р сарын 14-нд 75 насандаа таалал төгсөв. Түүний охид болох Ни, Мумле нар эцгийнхээ өвийг тээж, түүний бүтээлийг үзэсгэлэнд гаргаж, дэлхий нийтэд түгээсээр байна. Ни аавыгаа өөрийнхөө тухай ярих дургүй даруухан, ажилсаг хүн байсныг дурсан санадаг. Амьдралынхаа хожуу үед ч тэрээр уран бүтээлийнхээ талаар, хөгжмийн роялтид өнгөрүүлсэн цаг хугацаагаа гайхуулж байгаагүй ажээ. 

Л.Баяр