ЭШЛЭЛ 1
Манай улсын эдийн засгийн өсөлтийн дийлэнх хувь уул уурхайн бүтээгдэхүүний экспортын орлогоор хэмжигддэг байсан бол өнгөрсөн оны хамгийн өндөр өсөлт хөдөө аж ахуйн салбарт гарлаа. Хөдөө аж ахуй салбар эдийн засгийн өсөлтийн 40 хувь буюу 2,8 хувийг эзэлсэн байна.
ЭШЛЭЛ 2
Аялал жуулчлалаас олсон орлого 700 сая ам.долларт хүрсэн нь эдийн засгийг өсгөх чухал тулгуур болж байна. Мөн 90 сая тонн нүүрс экспортолж, түүхэн дээд хэмжээг тогтоов.
ЭШЛЭЛ 3
2025 оны эхний хагаст нийт экспортын орлого 5,4 тэрбум ам. доллар байсан бол оны эцэст 15,7 тэрбум ам.доллар болж 3 дахин өслөө.
ЭШЛЭЛ 4
Уул уурхайн өсөлтөөс гадна аж үйлдвэрийн салбарт буюу тэр дундаа зөвхөн самнасан ноолуурын экспорт 3,8 дахин өсөж 335 сая ам.долларт хүрсэн байна.
ЭШЛЭЛ 5
Махны экспорт 345 сая ам.долларт хүрч, 26 хувиар өссөн. Хөдөө аж ахуйн нийт экспорт 706 сая ам.доллар болж нэмэгдлээ.
ЭШЛЭЛ 6
2026 оны 1 дүгээр сард экспорт түүхэн дээд хэмжээндээ буюу 1,7 тэрбум ам.долларт хүрч чадлаа. Энэ нь өнгөрсөн орны мөн үетэй харьцуулахад 700 сая ам. доллараар нэмэгдсэн байна. Тиймээс гал морин жил маань гараа сайтай эхэллээ.
ЭШЛЭЛ 7
2026 онд багшийн дундаж цалинг 2.8 сая, 2027 онд 3.5 сая төгрөгт хүргэхээр төсвийн хүрээний мэдэгдэлд тусгалаа. Энэ хүрээнд салбарын төсвийг 1.1 их наяд төгрөгт хүргэж, хоёр дахин нэмэгдүүлж чадлаа.
ЭШЛЭЛ 8
Эрүүл мэндийн салбарт хөрөнгө оруулалтыг 5.5 дахин нэмэгдүүлж, 1.3 их наяд төгрөгт хүргэлээ. Гол зорилт нь Төвлөрлийг сааруулах юм.
ЭШЛЭЛ 9
Олон жил яригдсан ТЭЦ-5 төслийн бүтээн байгуулалтыг энэ хавар эхлүүлнэ. Мөн ТЭЦ-6 төслийн судалгаа болон сэргээгдэх эрчим хүчний томоохон төслүүдийг эдийн засгийн эргэлтэд оруулна.
ЭШЛЭЛ 10
2027 оны 6 дугаар сар гэхэд Газрын тос боловсруулах үйлдвэрийг ашиглалтад оруулснаар бид шатахууны үнийн гадаад хамаарлаас гарна.
ЭШЛЭЛ 11
Евразийн эдийн засгийн холбоотой байгуулсан чөлөөт худалдааны түр хэлэлцээрийн хүрээнд манай үндэсний үйлдвэрлэгчид 367 нэр төрлийн барааг 200 сая хүн амтай зах зээлд татваргүй экспортлох боломж нээгдэж байна.
ЭШЛЭЛ 12
Төр өөрөө эмх цэгцтэй, хэмнэлттэй, хариуцлагатай байж л улс хөгжинө. Тиймээс бид төрийг "дотроос нь" эрүүлжүүлэх дараах өөрчлөлтүүдийг хийнэ.
ЭШЛЭЛ 13
Хуульд нийцэхгүй, иргэд, бизнест чирэгдэл учруулдаг 1,000 гаруй журам, дүрэм, стандартыг хүчингүй болгоно.
ЭШЛЭЛ 14
Төрийн өмчит компаниудын засаглалыг үндсээр нь сайжруулж, "Олон нийтийн хяналтын тухай хууль"-ийг хэлэлцүүлнэ.
ЭШЛЭЛ 15
Хүний оролцоог багасгаж, хиймэл оюун ухаан, дижитал технологийг ашиглан хулгай, завхрал, хийдэл, хүнд сурталтай тэмцэх бодит механизмыг ажиллуулна.
ЭШЛЭЛ 16
Стратегийн томоохон ордуудын өгөөжийг Үндэсний Баялгийн Сан-д төвлөрүүлж, уг сангаар дамжуулан баялгийн тэгш, шударга хуваарилалтын тогтолцоог бэхжүүлнэ.
ЭШЛЭЛ 17
Баялгийн хулгайтай тэмцэх “Цэгцрэх хөдөлгөөн”-ий бодит үр дүнд “Эрдэнэс Монгол” нэгдлээс Хуримтлалын санд төвлөрүүлсэн орлого 912 тэрбум төгрөгт хүрч, баялагтаа эзэн байх иргэдийн эрх бодитоор хангагдаж эхэллээ.
ЭШЛЭЛ 18
Төгрөг нуур, Төмөртэйн овооны алдагдсан орд газруудаа буцаан авлаа. Эрдэнэт үйлдвэрийг дахиад 100 жил ашиглах, 357 сая тонн нөөцтэй “Оюут” ордыг нээв. Өмнийн цэнхэр говьд орших Оюутолгой орд газраас ард түмэндээ хүртэх үр өгөөжийг нэмэгдүүлэхийн тулд хөрөнгө оруулагч Рио тинто компанитай хэлэлцээр хийж, эхний ээлжинд зээлийн хүүг бууруулж чадлаа. Дараагийн хэлэлцээрээр монголын талд хүртэх хувийг 53-д хүргэхээр зорьж байна.
ЭШЛЭЛ 19
Ухаа худаг, Нарийнсухайт, Барууннаран, мөн Эрдэнэтийн үүсмэл ордод хэрэгжиж буй төслүүдийн өгөөжийн 60 хувийг Монголын ард түмэнд хүртээх урьдчилсан тохиролцоонд төр, хувийн хэвшлийн талууд гарын үсэг зурлаа.
ЭШЛЭЛ 20
Бидний жинхэнэ дайсан бол өрсөлдөгч нам биш. Бидний жинхэнэ дайсан бол нийтийн баялгийг хулгайлж, бидний итгэлийг үгүй хийж, хөгжлийг маань боомилж буй тэр "үл үзэгдэх гар", тэр "хариуцлагагүй тогтолцоо", тэр АВЛИГА юм.
ЭШЛЭЛ 21
Нийслэлд хэрэгжиж буй томоохон төслүүдийг саадгүй дуусгахад Засгийн газар онцгой анхаарч, хамтран ажиллана.
ЭШЛЭЛ 22
Гашуунсухайтын төмөр замын холболтыг ашиглалтад оруулж, нүүрсний экспортыг эрс нэмэгдүүлнэ. Энэ бол Монгол Улсын эдийн засгийн бүтцийг шинэчлэх эхлэл юм.
ЭШЛЭЛ 23
Өнөөдөр манай экспортийн 93 хувь нь түүхий эд байна. бид "түүхий эд ухдаг" эдийн засгаас "мэдлэг бүтээдэг", "боловсруулдаг" эдийн засагт шилжих ёстой. энэхүү боловсруулах үйлдвэрлэл, дэд бүтцийн төслүүдийг хэрэгжүүлэх нь эдийн засгийн итгэлийг сэргээж, нийгмийн асуудлыг шийдвэрлэнэ
ЭШЛЭЛ 24
Ипотекийн зээл өнөөдөр дундаж давхаргыг дэмжих бус, тэднийг боомилсон хэрэгсэл боллоо. Бид орон сууцны тусгайлсан санхүүгийн институт буюу Орон сууцны банк байгуулна.
Сэтгэгдэл (1)