БАРИМТ 1
1993 оны 10 дугаар сарын 28-нд мэндэлсэн.
БАРИМТ 2
"Увс Нуур" дэвжээ, "Алдар" спорт хороо, ЗХ-189 анги, Алтаргана Констракшн ХХК, Дрийм АГЭ бласт ХХК, Эрчим хүчний үндэсний төв ТӨХК, Алсын жим ХХК, Бодь Даатгал ХХК-ийн бөх.
БАРИМТ 3
Увс аймгийн Ховд сумын харьяат Дархан аварга Н.Батсуурийн удмын бөх.
БАРИМТ 4
Тэрбээр 2011 онд сумын заан цол хүртэж байсан.
БАРИМТ 5
2015 онд Аймгийн начин, 2022 оны Налайх дүүргийн баяр наадамд түрүүлж, Аймгийн арслан цол хүртэж байв.
БАРИМТ 6
Тэрбээр 2024 оны Үндэсний их баяр наадмаар дараах бөхчүүдийн давж Улсын начин цол хүртжсэн. Тэгэхдээ нэгийн даваанд Аймгийн начин М.Батбаатар, хоёрын даваанд Улсын начин Х.Цогтгэрэл, гурвын даваанд Аймгийн арслан У.Батцоож, дөрвийн даваанд Улсын заан Б.Серик, тавын даваанд Аймгийн арслан Ц.Төмөрцоожийг хаяж, зургаагийн даваанд шинэ заан Д.Хүдэрбулгад унасан юм.
БАРИМТ 7
Түүнийг анх бөхийн замд хөтөлж оруулсан гол хүн гэвэл чөлөөт бөхийн Ази тивийн аварга Н.Баярмагнай.
БАРИМТ 8
Л.Энхсаруул арслан үеийн хөвгүүдийн адил, PC тоглоомонд дуртай, хонон өнжин тоглох өдөр олон байж.
БАРИМТ 9
Тэрбээр бөхийн өргөөнд аймгийн цолтой 2024 оны "Талх Чихэр" ХК-ийн нэрэмжит, Хэвийн боовны баярт зориулсан барилдаан, Завхан аймгийн Ургамал сумын харьяат, улсын начин Юмжмаагийн Алтансүхийн нэрэмжит барилдаануудад түрүүлж байв.
БАРИМТ 10
Улсын цолтой анхны түрүүгээ 2024 онд Монгол улсад ой модны салбар үүсэж хөгжсөний 100 жилийн ойд зориулсан, улсын арслан М.Мөнгөний нэрэмжит барилдаанд хүртсэн.
ЭШЛЭЛ 11
Түүний бөхийн авьяасыг олж харсан багш нь Л.Энхсаруулыг бөх рүү эргэлт буцалтгүй оруулсан гэдэг.
ЭШЛЭЛ 12
Түүний биеийн өндөр 178 см, биеийн жин 115 кг ажээ.
ЭШЛЭЛ 13
Тэрбээр Улсын заан цолыг гурвын даваанд Аймгийн харцага Э.Лхамхүүг, дөрвийн даваанд Аймгийн арслан Б.Базарсадыг, тавын даваанд Аймгийн арслан Х.Чойжилсүрэнг, зургаагийн даваанд Аймгийн арслан Б.Бат-Эрдэнийг, долоогийн даваанд Улсын арслан Ц.Содномдоржийг давсан.
ЭШЛЭЛ 14
Тэрбээр бөхийн өргөөнд Аймгийн арслан цолтой хоёр, Улсын начин цолтой хоёр түрүүлсэн.
ЭШЛЭЛ 15
Тэрбээр 2025 оны Улсын баяр наадамд гурвын даваанд Өвөрхангай аймгийн арслан М.Гантулгыг, тавын даваанд Улсын харцага Э.Дашийг, тавын даваанд Улсын харцага Б.Цэдэнсодномыг давж, Улсын начин цолыг авснаасаа жилийн дараа цолоо баталж хэр чансаатай бөх гэдгээ харуулсан юм.
БАРИМТ 16
Улмаар тэр өнөө жил Улсын заан болсноор гурван жил дараалан Улсын наадамд шөвгөрч, цолоо ахиулсан цөөхөн бөхчүүдийн тоонд багтав.
БАРИМТ 17
Л.Энхсаруул нь Увс аймгаас төрөн гарсан зургаа дахь ЗААН цолтон билээ.
БАРИМТ 18
Мөн тэрбээр 2001 оноос хойш буюу Улсын заан Д.Бумбаяр, О.Одгэрэлээс хойш 25 жилийн дараа Увсаас төрөн гарч буй УЛСЫН ЗАА билээ.
БАРИМТ 19
Тэрбээр Сумын заан цолтны барилдаанд хамгийн ихдээ зургаа давсан нь 2015 он юм.
БАРИМТ 20
Аймгийн начин цолтнуудын барилдаанд хоёр удаа дөрөв давж байсан.
БАРИМТ 21
2024 онд түүний амжилт огцом цойлж, аймаг цэрэгт хоёр удаа түрүүлсэн.
БАРИМТ 22
Тэр бол Дархан аварга Н.Батсуурийн аавын талаар маш ойрын хамаатан.
БАРИМТ 23
Түүний төрсөн нутаг Увс аймгийн Ховд сумаас таван улсын цолтон бий. Тодруулбал, Дархан аварга Н.Батсуурь, Улсын харцага Г.Намсрайжав, Улсын начин Г.Даваасамбуу, Ж.Гэлэг, бас тэр өөрөө. Эдгээр бөхчүүд нь бүгд хамаатангууд. Ж.Гэлэг нь дархан аваргын өвөө бол Г.Намсрайжав нь дархан аваргын аав, Г.Даваасамбуу нь дархан аваргын авга ах юм.
БАРИМТ 24
Анх ээж нь түүнийг бөх болгохоор хөтөлж аваачсан хүн юм.
