БАРИМТ 1
Тэрбээр 1996 оны зургадугаар сарын 27-нд мэндэлсэн. Өдгөө 30 настай.
БАРИМТ 2
Архангай аймгийн Тариат сумын уугуул.
БАРИМТ 3
"Бөхбилэгт" дэвжээ, ЗХ-013 анги, Очирням ХХК, Херо Холдинг ХХК, Хүннү шүйс ХХК-ийн бөх.
БАРИМТ 4
Түүний биеийн өндөр 186 см.
БАРИМТ 5
Харин биеийн жин нь 125 кг.
БАРИМТ 6
Тэрбээр 2015 онд анх Сумын начин цолонд хүрч, дараа жил нь цолоо баталжээ.
БАРИМТ 7
Улмаар 2017 онд цолоо ахиулж Сумын заан болж, хоёр жилийн дараа буюу 2019 онд цолоо мөн л баталсан байдаг.
БАРИМТ 8
Тэрбээр анх 2017 онд Сумын заан цолтой болон залуу бөхчүүдийн барилдаанд түрүүлсэн. Мөн 2019 онд Сумын цолтой бөхчүүдийн барилдаанд хоёр дахиа түрүүлсэн.
БАРИМТ 9
Тэрбээр аймаг, цэрэгт амжилттай сайн барилдсаар 2022 оны Бүх цэргийн баяр наадамд Сумын заан цолтой барилдаж, одоогийн Улсын гарьд М.Лхагвагэрэлд өвдөг шороодон, Цэргийн заан цолонд хүрчээ. Энэ цагаас эхлэн бөхийн хорхойтнууд түүнийг нэг л өдөр улсын том цолонд хүрэх бөх хэмээдэг байв.
БАРИМТ 10
Цэргийн заан цолтой гурван жил зүтгэсний эцэст тэр 2025 оны Налайх дүүргийн баяр наадамд түрүүлж Аймгийн арслан болжээ.
ЭШЛЭЛ 11
Аймгийн арслан болохдоо тэр нэгийн даваанд Аймгийн хурц арслан М.Еркебуланыг, хоёрын даваанд Улсын начин Н.Мустафаг, гурвын даваанд Аймгийн арслан О.Баярбаасанг, дөрвийн даваанд Улсын начин Д.Амарсайханыг, тавын даваанд Улсын начин Б.Түмэндэмбэрэлийг, зургаагийн даваанд Сумын заан Д.Далайбаярыг, долоогийн даваанд Аймгийн харцага Н.Ширчинхүүг хаясан.
ЭШЛЭЛ 12
Тэрбээр Цэргийн заан цолтой аймаг, цэрэгт нэг түрүүлж байв. Уг барилдаан нь Хөвсгөл аймгийн Цагаан-Уул сумын харьяат, аймгийн хурц, бадрангуй, хичээлт арслан Бат-Очирын Баттогтохын нэрэмжит барилдаан байлаа.
ЭШЛЭЛ 13
Нэг удаа түрүүлэхдээ тэр Аймгийн арслан М.Баяржавхлан, Ш.Отгонтөгс, Э.Мөнх-Эрдэнэ, Э.Баасанжав, Ц.Төмөрцоож, Ч.Алтангэрэл нарыг цувуулан хаясан.
ЭШЛЭЛ 14
Тэрбээр аймаг, цэрэгт гурван удаа үзүүрлэсний нэг нь Бүх цэргийн баяр наадам.
ЭШЛЭЛ 15
2024 оны нэгдүгээр сард Баянхонгор аймгийн Баянбулаг сумын харьяат, Аймгийн арслан Цэдэн-Ишийн Шийрэвийн нэрэмжит, Баянбулаг сумын 100 жилийн ойд зориулсан барилдаанд үзүүрлэсэн. Уг барилдааны үзүүр түрүүнд тухайн үед Аймгийн начин байсан Б.Гончигсүрэндл унасан.
БАРИМТ 16
2024 оны арванхоёрдугаар сард "Азтай залуус 12-р сар" аймаг, цэргийн цолтой бөхийн барилдаанд тухайн үеийн Аймгийн хурц арслан Д.Алтанцоожид унан үзүүрлэсэн.
БАРИМТ 17
Тэрбээр Цэргийн заан цолтойдоо улс, аймагт сайн барилдаж "том цолтнуудын эрлэг" гэгдэж байлаа.
БАРИМТ 18
2023 онд Цэргийн заан байхдаа Монгол улсад авто замын салбар үүсэж хөгжсөний 94 жилийн ой, автозамчдын баярт зориулсан барилдаанд Улсын заан байсан Б.Бат-Өлзийд унаж үзүүрлэсэн.
БАРИМТ 19
Аймгийн цолтой тэр улс, аймагт гурван удаа их шөвөгт шалгарсан.
БАРИМТ 20
2023 онд Бүгд найрамдах улсаа тунхаглаж, анхдугаар үндсэн хуулиа баталсны 99 жилийн ойд зориулсан барилдаан, 2024 онд "Малчин түмэндээ тусалъя" хандивын барилдаан, 2026 онд Баянхонгор аймгийн Шинэжинст сумын 70 жилийн ойд зориулсан барилдаанд тус тус их шөвөгт үлджээ.
БАРИМТ 21
Харин аймаг, цэрэгт ДӨРВӨН удаа их шөвөгт үлдсэн амжилтыг үзүүлжээ.
БАРИМТ 22
Улсын наадамд өмнө нь гурван жил барилдахдаа тэр хоёрт нь Улсын аварга П.Бүрэнтөгстэй дөрвийн давааны нугараанд оноолт тааран унаж байлаа. Гэвч өнөө жил тэр олны хүлээлтийг эцэслэн Улсын харцага гэх цолонд хүрэв. Ингэхдээ тэр гурвын даваанд Улсын начин Н.Адъяабатыг, дөрвийн даваанд Улсын начин Т.Дүгэрдоржийг, тавын даваанд Аймгийн арслан М.Эрхэмбаярыг, зургаагийн даваанд Цэргийн заан Б.Гончигсүрэнг хаясан. Улмаар наадмын үзүүр бөх Улсын заан Б.Бат-Өлзийд унасан юм.
БАРИМТ 23
Тэр бол Архангай аймгийн Тариат сумаас төрөн гарсан цолын ганц Улсын харцага цолтон ажээ. Харин ес дэх улсын цолтон нь юм.
БАРИМТ 24
Мөн Архангай аймгаас төрсөн 10 дахь Улсын харцага юм байна.
