Сар бүрийн сүүлийн долоо хоногийн пүрэв гаригт НИТХ-ын ээлжит чуулган хуралддаг. Дэг ёсоор энэ удаагийн хуралдааныг 7 дугаар сарын 4-ны Пүрэв гаригт хуралдуулахаар товложээ.  НИТХ-ын Тэргүүлэгчид маргааш 10.00 цагт хуралдаж, ээлжит чуулганаар хэлэлцэх асуудлаа батлах юм. НИТХ-ын Тэргүүлэгчдийн ээлжит хуралдаанаар Нийслэлийн өмчийг бүртгэлээс хасах тухай, нийслэлийн Санг татан буулгаж, хөрөнгийг Нийслэлийн Соёл урлагийн газарт шилжүүлэх тухай, орон нутгийн өмчийн концессын жагсаалтад өөрчлөлт оруулах тухай болон, Барилга  угсралтын үйл ажиллагаанд хөдөлмөрийн аюулгүй байдал, эрүүл ахуйн шаардлагыг хангах нийтлэг журмыг хэлэлцэн шийдвэрлэхээс гадна, Нийслэлийн Төсвийн Ерөнхийлөн захирагчийн 2012 оны санхүүгийн нэгдсэн тайлан /аудитын шалгалт хийгдсэн/ 2012 оны төсвийн гүйцэтгэл батлах тухай, Нийслэлийн 2013 оны төсөвт тодотгол хийх тухай асуудлыг хэлэлцэх аж.