Цагдаагийн ерөнхий газрын даргын тушаалаар Үндэсний Их баяр наадам, Ардын хувьсгалын 92 жилийн ойг тохиолдуулан тохиолдуулан  цагдаа, дотоодын цэргийн байгууллагад олон жил идэвх зүтгэл, үр бүтээлтэй ажилласан цагдаа, дотоодын цэргийн алба хаагчдад хугацааны ээлжит цол шагнав.

Цагдаагийн хурандаа цолоор ЗЦГ-ын ГХТГ-ын Жижүүрийн шуурхай удирдлага зохицуулалтын хэлтсийн дарга Ч.Хүрэлбаатарыг,  цагдаагийн дэд хурандаа цолоор МБГ-ын чиглэлийн ахлах мөрдөн байцаагч Л.Лхагвадорж нарын 24 алба хаагчийг,  цагдаагийн хошууч цолоор ЦЕГ-ын Хуулийн хэлтсийн ахлах байцаагч Ж.Отгонгэрэл нарын 79 алба хаагчийг, цагдаагийн ахмад цолоор  Завхан аймгийн цагдаагийн газрын Их-Уул сум дахь хэсгийн төлөөлөгч  Б.Батбаяр нарын 135 алба хаагчийг шагналаа.

Мөн цагдаагийн ахлах дэслэгч цолоор  101 алба хаагчийг, офицерын бүрэлдэхүүнд оруулж цагдаагийн дэслэгч цолоор 14 нийт 354 алба хаагчийг хугацааны ээлжит цолоор шагнасан юм.

Түүнчлэн хугацааны өмнө цагдаагийн хурандаа цолоор УМБГ-ын Онц хүнд гэмт хэрэг мөрдөх хэлтсийн дарга Э.Идэрцог нарын дөрвөн алба хаагч, цагдаагийн дэд  хурандаа цолоор САТГ-ын хэлтсийн дарга Ш.Эрхэмбаяр, цагдаагийн хошууч цолоор НЦГ-ын хэлтсийн дарга Б.Цогтбаяр, цагдаагийн ахмад цолоор хоёр алба хаагчийг цагдаагийн ахлах дэслэгч, цагдаагийн хошууч цолоор найман алба хаагчийг тус тус шагналаа. Мөн Дотоодын цэргийн байгууллагын  25 алба хаагчид хугацааны цэргийн ээлжит цол олгов. Ийн өнөөдөр дотоодын цэргийнхэн болоод цагдаа нарын цол нэмсэн баярын өдөр байсан юм.