Эх оронд нь нутагшуулахаар дахин дөрвөн тахийг Чех улсаас авчирсан билээ. Энэ талаар өнөөдөр БОНХ- ийн сайд С.Оюун, Чех улсаас Монгол Улсад суугаа Элчин сайд Ивана Гороллова нар болон албаны бусад хүмүүс сэтгүүлчдэд мэдээлэл хийх юм байна. Дэлхийн сүүлчийн зэрлэг адуу монгол тахь эх нутагтаа буцаж ирсээр 20 гаруй жил өнгөрч, байгальдаа дасан зохицож буй. Үүнд Европын улсуудын санаачлага, дэмжлэг багагүй хувь нэмэр оруулж байгаа юм. Цаашид тахийн сүргийг өсгөх, байгальд бие даасан сүрэг бий болгох, амьдрах орчныг йь хамгаалах зэрэг үйлсэд гадаадын тусламж төдийгүй орон нутаг, иргэдийн идэвхтэй оролцоо чухал байгаа аж. Монголд тахь импортлон, сүргийн бүтцийг сайжруулах ажлыг Прагийн амьтны хүрээлэнгээс гурав дахь жилдээ амжилттай зохион байгуулж буй нь энэ юм. Тэд өорсдийн болон дэмжигч байгууллагуудын санхүүгийн тусламж, Батлан хамгаалахын нисзх хүчин, Чехийн хөгжлийн агентлагийн хамтын ажиллагааны хүрээнд энэ ажлыг гүйцэтгэсэн байна.