“Бизнесийн үйл ажиллагаанд хүний эрхийг хүндэтгэх нь” сэдвээр өнөөдрөөс эхлэн энэ сарын 6-ныг хүртэл
бизнес эрхлэгчдийн дунд сургалт зохион байгуулагдаж байна. Сургалтыг Монголын Үндэсний Худалдаа аж
үйлдвэрийн танхим, Хүний эрхийн үндэсний комисс зэрэг байгууллагууд
хамтран зохион байгуулж байгаа юм. Сургалтанд Данийн Хүний эрхийн хүрээлэнгийн Хүний эрх, Бизнесийн зөвлөх хатагтай Нора Гоцман, хатагтай Кетрин Блох Пульсен-Хансен нар лекц уншина. Мөн тус сургалтанд бизнес эрхлэгч хэн бүхэн оролцох боломжтой бөгөөд сургалт МҮХАҮ-ийн танхимын таван давхарт болох гэнэ.
“Бизнесийн үйл ажиллагаанд хүний эрхийг хүндэтгэх нь” хэмээх цуврал лекцийг унших Данийн Хүний эрхийн хүрээлэнгийн Хүний эрх, Бизнесийн зөвлөхүүдийн товч танилцуулгыг хүргэж байна.
Нора ГоцманЗөвлөх
Нора Гоцман нь Данийн Хүний эрхийн Хүрээлэнгийн Хүний эрх, Бизнесийн Газарт 2011 оноос ажиллаж байна.
Тэрээр үндэстэн дамнасан компаниудтай хүний эрхийн эрсдэл, нөлөөллийн талаарх ойлголтыг сайжруулах, хүний эрхийн асуудлыг бизнесийн практикт суулгах арга замыг боловсруулахаар ажиллаж байна. Мөн хүний эрх, бизнесийн асуудлаар ажиллах чадавхи бий болгохын тулд иргэний нийгэмд чиглэсэн ажил хийдэг юм. Өмнө нь Уул уухайн салбар дахь Нийгмийн Хариуцлагын Төвд хүний эрхийг хэрэгжүүлэх шаардлага, гомдол шийдвэрлэх асуудалд чиглэсэн ажил хариуцаж байсны хувьд Нора уул уурхайн салбарын талаар онцгой мэдлэг туршлагатай. Мөн Компаний Эрх зүйн Механизмын Төсөл зэрэг олон сэдвээр НҮБ-ын Ерөнхий нарийн бичгийн даргын Бизнес ба хүний эрхийн асуудлаарх тусгай төлөөлгчийн ажилд туслалцаа үзүүлж байсан юм. Австрали улсын Күйнслэндийн Их сургуульд эрх зүйн бакалаврын боловсрол эзэмшсэн.
Кетрин Блох Пульсен-ХансенЗөвлөх
Пульсен-Хансен нь Данийн Хүний эрхийн Хүрээлэнгийн Хүний эрх, Бизнесийн Газарт 2010 оноос ажиллаж байна.
Тэрээр Компаний Оролцооны төслүүдийг хариуцан, зааварчилгаа өгөн ажилладаг бөгөөд Хүний эрх, Бизнесийн Газрын Хүний эрхийн Нийцлийг Үнэлэх арга зүйн менежерийн үүргийг гүйцэтгэдэг. Түүнчлэн Даний Хүний эрхийн Хүрээлэнгийн хүний эрх, бизнесийн талаарх үндэсний хэмжээний үйл ажиллагааг удирддаг.
Кетрин нь Роскилдийн Их сургуулийг Европын Холбоо судлалаар мэргэшин Төрийн захиргааны удирдлагын бакалаврын зэрэгтэй, мөн Копенхагений Их сургуулийг Улс төрийн харилцаа, менежментийн магистр зэрэгтэй тус тус төгсжээ.
