Нийслэлийн Засаг даргын “Хүн, малын гоц халдварт өвчин, тарваган тахал өвчнөөс урьдчилан сэргийлэх, тэмцэх арга хэмжээг эрчимжүүлэх тухай” 2013 оны А/694 дугаар захирамжийг хэрэгжүүлэх ажлын хүрээнд өнгөрсөн сарын хугацаанд нийслэлийн Онцгой байдлын газар, Мэргэжлийн Хяналтын газар, Цагдаагийн байгуулагатай хамтарсан үзлэг шалгалтыг нийслэлийн нутаг дэвсгэрт авто техникийн шалган бүртгэх товчоодод зохион байгуулжээ.Орон нутгаас нийслэлд чиглэсэн авто техникийн хэрэгслүүдэд болон бусад мэдээллийн дагуу тодорхой газруудад байсан нийт 80 ширхэг тарваганы мах илрүүлж Зоонозын өвчин судлалын үндэсний төвд хүлээлгэн өгч шинжлүүлэхэд тарваган тахал өвчний үүсгэгч илрээгүй бөгөөд зохих журмын дагуу устгасан байна.
Шалгалтаар нийт 92000 тээврийн хэрэгсэлд мал эмнэлэг ариун цэврийн үзлэг шалгалт хийж зөрчил гаргасан 152 иргэнд 2.365.000 төгрөгийн торгуулийн арга хэмжээ авч, 15000 хүнд хүн, мал, амьтны гоц халдварт өвчнөөс урьдчилан сэргийлэх талаарх зөвлөгөө өгч ажиллалаа.
Үзлэг шалгалтаар илэрсэн томоохон зөрчлүүд:
1. 2013 оны 09 дүгээр сарын 05-ны өдөр Сонгинохайрхан дүүргийн 22-ын авто техникийн шалган нэвтрүүлэх товчоогоор Хөвсгөл аймгаас Улаанбаатар чиглэлийн хүн тээврийн автобусаар 10 тулам, 3 түүхий мах, 1 чанасан тарваганы мах, мөн Стана маркийн автомашины жолооч Б 10 ширхэг нийт 24 ширхэг тарваганы махыг нийслэл рүү зөөвөрлөн оруулах гэж байсныг үзлэг шалгалтын явцад илрүүлсэн байна.
2. Иргэнээс тарваганы мах 55,000 төгрөгөөр зараад байна гэж мэдээлэл 8 дугаар сарын 04-ний өдөрирсний дагуу Баянзүрх дүүргийн 8-р хорооны нутагт дугаар байранд ажлын хэсэг шалгалтыг хийхэд Булган аймгийн харьяат иргэн О нь 24 ширхэг тарвагны тулам зарж байсныг илрүүлэн, тус айлд Зоонозын өвчин судлалын үндэсний төв ариутгал халдваргүйжүүлэлт хийсэн.
Хураагдсан 24 тооны тарваганы хөлдөөсөн туламыг Зоонозын өвчин судлалын үндэсний төвд шинжлүүлэхэд тарваган тахал өвчний үүсгэгч илрээгүй тул зохих журмын дагуу устгасан.
3. Баянгол дүүргийн 4 дүгээр хороо “Тоса” худалдааны төвд 2013 оны 08 дугаар сарын 01-ний өдөр шалгалт хийхэд Сонгинохайрхан дүүргийн харьяат эрхэлсэн тодорхой ажилгүй иргэн О нь тарваганы боодог2 ширхэгийг зарж байсныг илрүүлсэн.
4.Сонгинохайрхан дүүргийнхоринхоёрын авто тээврийн шалган нэвтрүүлэх товчоогоор 2013 оны 08 дугаар сарын 11-ний өдөр Архангай аймгаас иргэн М 5 ширхэг тарваганы мах авч явсныг илрүүлж, тарваганы махыг Зоонозын өвчин судлалын үндэсний төвд шинжлүүлэхэд тарваган тахал өвчний үүсгэгч илрээгүй байна.
Тарваган тахал өвчний сэжигтэй тохиолдлын дуудлага
2013 оны 08 дугаар сарын 12-ны өдөр Сонгинохайрхан дүүргийн иргэн тарваган тахал өвчний сэжигтэй өвчилснийг Халдварт өвчин судлалын үндэсний төвд хэвтэн эмчлүүлж, өвчтнөөс Зоонозын өвчин судлалын үндэсний төвийн шинжилгээний баг дээж авч шинжлэхэд тарваган тахал өвчин биш болох тогтоогдсон байна.
Нийслэлийн нутаг дэвсгэр дэх Автотехникийн шалган бүртгэх товчоо, мал, түүний гаралтай түүхий эд борлуулдаг хүнс, түүхий эдийн захуудадхолбогдох мэргэжлийн байгууллагуудтай хамтарсан үзлэг шалгалтыг зохион байгуулж ажилласны үр дүнд хүн, мал, амьтны гоц халдварт өвчин гарах эрсдэл буурч өнөөдрийн байдлаар нийслэлд хүн, мал, амьтны гоц халдварт өвчин гараагүй байна гэж Нийслэлийн Онцгой байдлын газраас мэдээллээ.Үзлэг шалгалтууд үргэлжилнэ.
