Хөдөлмөрчдийн цалин тэтгэвэр, тэтгэмжийг нэмэх асуудлаар Үйлдвэрчний эвлэл, Засгийн газар хооронд хэлэлцээр хийсэн билээ. Харин одоо болтол иргэдийн цалин хөлсний хэмжээ өсөөгүй байгаа юм. Тиймээс МҮЭХ-оос цалин тэтгэвэр, тэтгэмжийг нэмэгдүүлэхийг шаардаж, жагсаал цуглаан зохион байгуулахаар болсон байна. Эсэргүүцлийн тайван жагсаал энэ сарын 13-ны өдөр буюу маргааш 12.00 цагт Ялалтын талбайд болох юм байна.

Мөн МҮЭХ-оос Засгийн газар, Улсын Их Хуралд хандан шаардлага хүргүүлж, энэ сарын 20-ны дотор хариу ирүүлэхийг шаардсан байна. Ингэхдээ тэд төрийн албан хаагч болоод хувийн хэвшилд ажиллагчдын цалин хөлсийг даруй 40 хувиар нэмэх шаардлагатай хэмээн үзэж байгаа аж.  


1.    Хөдөлмөр, нийгмийн зөвшлийн гурван талт 2013-2014 оны Улсын хэлэлцээрийг хэрэгжүүлэх хүрээнд инфляцийн түвшин, эдийн засгийн өсөлттэй уялдуулан 2014 онд цалин хөлс, тэтгэвэр тэтгэмжийг нэмэгдүүлэх талаар хэлэлцээг ойрын хугацаанд эхлүүлэх.

2.    Үнэ ханшны зохиомол өсөлтийг хязгаарлах, хүнс, өргөн хэрэглээний гол нэрийн бараа, бүтээгдхүүн, ажил үйлчилгээний үнийг тогтвортой байлгах, Засгийн газрын үнэ тогтворжуулах хөтөлбөрийн хэрэгжилт үр дүнг сайжруулах

3.    Иргэдийг орон сууцжуулах хөтөлбөрийг хэрэгжүүлэх явцад гарч байгаа арилжааны банкны гэрээний нөхцлийг уян хатан болгох, үнийн огцом өсөлтөөс шалтгаалж дундаж орлоготой гэр бүл зээлийн босго нөхцөлийг хангах боломжгүй болж байгаа зэрэг хүндрэлтэй нөхцөл байдлыг арилгах чиглэлээр тодорхой арга хэмжээ авч хэрэгжүүлэх, орон сууцны талбайн үнийн үндэслэлд төрөөс зохистой хяналт тавьдаг байх.

4.    Дотооддоо    болон импортыг орлох, экспортын бүтээгдэхүүн үйлдвэрлэж байгаа үндэсний үйлдвэрлэл эрхлэгчдийг хөрөнгө оруулалтаар дэмжих замаар өрсөлдөх чадвар бүхий тогтвортой үйлдвэрлэл, чанартай ажлын байрыг нэмэгдүүлэх талаар бодитой арга хэмжээ авч хэрэгжүүлэх.

5.    Уул    уурхайн томоохон төсөл хөтөлбөрийг хэрэгжүүлэхдээ ТЭЗҮ болон байгаль орчинд нөлөөлөх байдлын үнэлгээнээс гадна нийгмийн нөлөөллийн үнэлгээг хийлгэж байх хууль эрх зүйн шинэ орчныг Ашигт малтмалын тухай болон гадаадын хөрөнгө оруулалтын тухай хуульд нэмэлт, өөрчлөлт оруулах замаар бий болгон тэнд ажиллаж амьдарч байгаа иргэдийн нийгэм, ахуйн орчин, орон сууц, боловсрол, эрүүл мэндийн үйлчилгээ зэрэг асуудлыг иж бүрэн шийдвэрлэж байх нөхцөлийг бүрдүүлэх.

6. Оюу толгой төслийн хөрөнгө оруулалтын өнөөгийн маргаантай асуудлыг даруй шийдвэрлэж ажилтнуудын хөдөлмөр, нийгмийн хамгаалал, ажпын байрны баталгааг хангуулах

7. Мэргэжпийн хяналтын байгууллагын бүтцийн өөрчлөлтийг оновчтой хийж хөдөлмөрийн тухай хууль тогтоомжийн биелэптэнд тавих мэргэжпийн хяналтыг сайжруулах, хөдөлмөрийн хууль тогтоомж болон иргэдийн эвлэлдэн нэгдэх эрхийг зөрчсөн этгээдэд хүлээлгэх хариуцлагыг чангатгах

Шаардлагад туссан асуудлыг хэрхэн хэрэгжүүлэх талаарх хариуг 2013 оны 9 сарын 20-ны дотор ирүүлнэ үү. .         



Эдийн засгийн хүндрэлийн улмаас өргөн хэрэглээний бараа, бүтээгдэхүүн ажил үйлчилгээний үнэ огцом нэмэгдэж иргэд хөдөлмөрчдийн амьжиргаанд бодит хүндрэл бий боллоо.

Энэ нөхцөлд УИХ-аас улс орны нийгэм, эдийн засгийн өнөөгийн нөхцөл байдалд бодитой дүгнэлт хийж иргэд, хөдөлмөрчдийн амьжиргаанд тулгамдаж буй асуудлыг шийдвэрлэх хүрээнд Засгийн газарт чиглэл өгөх, хууль батлах бүрэн эрхийнхээ хүрээнд дараах асуудлыг шийдвэрлэх нь зүйтэй гэж үзэж энэхүү мэдэгдлийг хүргүүлж байна.

1. Эдийн засгийн хүндрэлтэй байгаа нөхцөл байдлыг даван туулах, үнийн өсөлтийг хязгаарлах, иргэд хөдөлмөрчдийн амьжиргаа нийгмийн хамгааллыг сайжруулах чиглэлээр нийгмийн түншүүдтэй үр дүнтэй хамтран ажиллах талаар Засгийн газарт чиглэл өгөх.

2. Яам, агентлегийн бүтэц, зохион байгуулалтыг илүү оновчтой болгох, сайд дарга нарын орон тоог цөөрүүлэх замаар төрийн удирдлагын зардлыг бууруулж хэмнэгдсэн хөрөнгийг боловсрол, эрүүл мэндийн үйлчилгээг сайжруулах, эмзэг бүлгийн нийгмийн хамгаалалд зарцуулах чиглэлд дахин хуваарилах.

3. 2013 оны төсвийн тодотголыг хийхдээ төрийн үйлчилгээний албан хаагчдын цалин хөлс, нийгмийн хамгааллын холбогдолтой дутуу байгаа санхүүжилтийг бүрэн тусгах.

4. Валютын ханшийг бууруулах, тогтвортой байлгахад чиглэсэн мөнгөний бодлогыг тууштай хэрэгжүүлэх.

5. Уул уурхайн томоохон төсөл хөтөлбөрийг хэрэгжүүлэхдээ ТЭЗҮ болон байгаль орчинд нөлөөлөх байдлын үнэлгээнээс гадна нийгмийн нөлөөллийн үнэлгээг хийлгэж байх хууль эрх зүйн шинэ орчныг Ашигт малтмалын тухай болон гадаадын хөрөнгө оруулалтын тухай хуульд нэмэлт, өөрчлөлт оруулах замаар бий болгон тэнд ажиллаж амьдарч байгаа иргэдийн нийгэм, ахуйн орчин, орон сууц, боловсрол, эрүүл мэндийн үйлчилгээ зэрэг асуудлыг иж бүрэн шийдвэрлэж байх нөхцөлийг бүрдүүлэх, хөрөнгө оруулалтын гэрээнд ажиллагчдын ажлын байрны баталгааг хангах, цалин хөлс, хөдөлмөрийн аюулгүй байдал, эрүүл ахуйн нөхцөлийг хангах асуудлыг заавал тусгаж байх асуудлыг хуульчлах.

6. Үнэ тарифын өсөлтөөс хамгаалахын тулд цалин хөлс, тэтгэвэр, тэтгэмжийг индексжүүлэх тухай эрх зүйн орчинг шинээр бий болгох

Мэдэгдэлийн хариуг 2013 оны 10 сарын 15-ны дотор ирүүлнэ үү.