Гал үндэстэн тэргүүтэй 11 ТББ өнөөдөр өглөө Төрийн ордны гадаа цуглаж, урт нэртэй хуульд өөрчлөлт оруулахыг эсэргүүцсэн юм. Учир нь энэ долоо хоногийн УИХ-аар урт нэртэй хууль буюу  Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, олборлохийг хориглох тухай хуульд өөрчлөлт оруулах төслийг хэлэлцэнэ. Харин ТББ-ууд тус хуульд өөрчлөлт оруулахгүй хэмээн эсэргүүцэж жагссан юм.   Мөн жагсагчдын дундаас төрийн ордон дотор хийн буудлага хийсэн. Галт зэвсэг нээсний улмаас Төрийн ордоны гадна хөл хорио тогтоож, есөн хүнийг баривчилж Сүхбаатар дүүргийн цагдаагийн хэлтэст яг одоо байцааж байна.

Тэгвэл тэд доорх шаардлагыг Ерөнхийлөгч, Ерөнхий сайд, УИХ-ын даргад өгөх гэж яваад буу тавьж, сүр дуулиан дэгдээсэн байна.

Шаардлагад:

МОНГОЛ УЛСЫН ЕРӨНХИЙ САЙД АЛТАНХУЯГ ТАНАА

Монгол Улсын Ерөнхий сайд таны энэ өдрийн амгаланг айлтгая.

Засгийн Газрын 2012-2016 он хүртэлх үйл ажиллагааны хөтөлбөрт тусгагдсан "Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг/цаашид хууль гэх/ бүхэлд нь хэрэгжүүлэх" заалтыг сануулж БОНХЯ-ны сайд С.Оюунд хүргүүлсэн 2013.05.13-ны өдөр хуулийг хэрэгжүүлэх "Засгийн газрын тогтоол"ын төслийг нэг цагийн дотор батлах, Хуулийг дагаж мөрдөх журамд нэмэлт өөрчлөлт оруулах төслийг 30 минутын дотор татаж авахыг тулган шаардаж байна.

Чингис хааны зарлигаас

Мандах буурах жам ёсон мөнх тэнгэрийн соёрхол буй за
Хөх Монгол мохош үгүйг мөнх тэнгэр таалах буй за
Хөх Монголын эгэл олон хөрстөд заяасан нутаг уснаа
Харь боол, зарц барлагаас дор халаглан зүдэрч амь зуух ахул
Улс Монголоо мөхөөвөөс уулын чинээ алтаар яах...
Ураг элгэнээ хөнөөвөл утсан чинээ амиар яах...
Хамгийг хамтатгасан хэрэг юун
Харийг номхтгох зол юун
Эгэл олноо эс асрах ахул
Эзэн ноёдыг тэнгэр гэсгээмүй” гэжээ.