Төрийн удирдалгуудад хандан Монголын нийгэм, соёлын нэрт зүтгэлтэн зохиолч, эрдэмтэд ил захидал илгээлээ. Тэд түүх, соёлтой холбоотой хөшөө, дурсгалт газрыг буулгаж, нэрийг нь өөрчилж байгааг эсэргүүцэн гарын үсгээ зуржээ. Тухайлбал хамгийн түрүүнд Чингисийн талбай нэртэй болоод байгаа Д.Сүхбаатарын талбайн нэршлийг эргэн сэргээхийг шаардсан байна.

1. Урьдчилсан нарийн судалгаагүйгээр долоохон хүний саналаар Улаанбаатар хотын төв талбайн нэрийг өөрчилсөн Нийслэлийн ИТХ-ын тэргүүлэгчдийн шийдвэрийг нэн даруй хүчингүй болгож, олон нийтэд мэдээлэх;
2.  Үүний өмнө буулгасан В.И.Лениний хөшөөг түүх, хот байгуулалт, улс төрийн талаас нь хамгийн зохимжтой газарт байрлуулж, тайлбар үндэслэлийг хэвлэл-мэдээллийн хэрэгслээр үзэгч,уншигчдад танилцуулах;
3.  Цаашид Д.Сүхбаатарын хөшөөг зайлуулах, жил бүрийн 7 дугаар сарын 11-нд тохиодог улсын баяр наадмын нэршил, хугацаа, үнэлэмжийг өөрчлөх бодол төр засгийн аль нэгэн түвшинд байгаа бол түүнээс татгалзаж, тэр тухайгаа албан ёсоор мэдээлэн олон нийтийн дунд тархсан дургүйцэл, бухимдлыг арилгах;
4.  Түүхэнд гарамгай үүрэг гүйцэтгэсэн бие хүмүүс болон үйл явдалд зориулсан хөшөө дурсгалын байрлал, хэмжээ, зэрэглэлийг шинжлэх ухааны үндэстэй тогтоож, эрх бүхий байгууллагад санал оруулж байх үүрэг хүлээсэн орон тооны бус комиссыг холбогдох салбаруудын өндөр мэргэжлийн хүмүүсээр бүрдүүлэн Засгийн газрын дэргэд байгуулж ажиллуулах;
5.  Төр, засгийн зүгээс санаачлага гаргаж, Монголын түүхийн аль ч үед бүтээгдсэн түүх, соёлын биет өвд халдах явдал гаргахгүй байх талаар улс төрийн намууд, холбогдох төрийн бус байгууллагуудтай тохиролцож, үр дүнг нь олон нийтэд мэдээлэх;
6.  Цаашид нийгэм, улс төр, соёлын аливаа томоохон асуудлыг шийдэхдээ холбогдох эрдэм шинжилгээний байгууллага, мэргэжлийн шинжээчид, ард олны саналд тулгуурлаж байх эрх зүй, зохион байгуулалтын оновчтой тогтолцоог буй болгох саналыг бид Та бүхэнд хичээнгүйлэн толилуулж байна.

“Өөрийн гэмийг бусдаас асууж мэд. Төр ёсны ослыг цэцдээс асууж суралц” гэсэн эзэн Чингисийнхээ билиг сургаалыг Та бүхний гэгээн оюунд дахин толилуулъя.

 
Д.Цэрэнсодном –ШУ-ны гавьяат зүтгэлтэн, Төрийн шагналт,

хэл бичгийн ШУ-ны доктор, академич

Г.Чулуунбаатар –Философийн ШУ-ны доктор,

академич

Д.Хайсамбуу –Доктор, академич

Л.Хайсандай –ШУ-ны гавьяат зүтгэлтэн, Түүхийн ШУ-ны

доктор, академич

Ж.Болдбаатар –ШУ-ны гавьяат зүтгэлтэн, Түүхийн ШУ-ны

доктор, академич

Л.Түдэв - Хөдөлмөрийн баатар,Төрийн соёрхолт,

хэл бичгийн ухааны доктор,

Ардын уран зохиолч,

Ш.Сүрэнжав -  Төрийн шагналт, Ардын уран зохиолч

С.Лувсанноров - Гавьяат багш, сурган хүмүүжүүлэгч

Т.Содной - Биологийн ухааны доктор, профессор

Г.Жамъян - Соёлын гавьяат зүтгэлтэн, сэтгүүлч

Ж.Гомбожав - Гавьяат эдийн засагч, УИХ-ын дарга асан

Ч.Хурц -  Геологийн ухааны доктор, сайд асан

Д.Готов - Холбооны гавьяат ажилтан, Онц бөгөөд

бүрэн эрхт элчин сайд

А.Өлзийхутаг – Анагаахын ШУ-ны доктор, профессор,

гавьяат эмч

Г.Батмөнх - Гавьяат багш, Анагаах ухааны доктор, профессор

Г.Мэнд-Ооёо -Соёлын гавьяат зүтгэлтэн, Дэлхийн соёл

                        урлагийн Академийн тэргүүлэгч гишүүн,

                        Утга зохиолын доктор, Зохиолч, яруу найрагч

Н.Дагвадорж -Аж үйлдвэрийн гавьяат ажилтан,

                        сайд асан

Л.Цэрэндондог -Гавьяат барилгачин, Сайд асан

А.Шагдарсүрэн -Худалдааны гавьяат ажилтан,

                            доктор, профессор

А.Шархүү-Гавьяат багш, доктор, профессор

Ц.Балхаажав –ШУ-ны гавьяат зүтгэлтэн, философийн

ШУ-ны доктор, профессор

С.Бавуусүрэн –Аж үйлдвэрийн гавьяат ажилтан,

                         судлаач

С.Мөнхжаргал –Гавьяат барилгачин, Улаанбаатар хотын

                           хүндэт иргэн

Т.Цэвэгмэд-Аж үйлдвэрийн гавьяат ажилтан,

                       доктор, профессор

З.Лонжид – Түүхийн ухааны доктор, профессор

С.Галсан –Ардын багш, доктор, профессор, академич

С.Даш  –Түүхч философич, судлаач

Г.Шагдаржав –ШУА-ийн Олон улс судлалын хүрээлэнгийн

                         судлаач, профессор