"Нарантуул" “Барс-1”, ”Барс-2”, “Тоса”, “Өгөөмөр”, “Мишээл экспо”, “Дүнжингарав” гэх зарим захуудын үйл ажиллагаа зогсоох түр захирамжийг Нийслэлийн засаг дарга гаргажээ.

Тодруулбал,  Нийслэлийн төвийн зургаан дүүргийн нутаг дэвсгэрт үйл ажиллагаа явуулж буй томоохон 58 хүнсний зах, худалдааны төвүүдэд хяналт шалгалт хийсэн байна.  Шалгалтаар томоохон худалдааны төвүүдийн 80 гаруй хувь нь батлагдаагүй зураг төслөөр өргөтгөл хийсэн байжээ.

Мөн “Нарантуул”, “Өгөөмөр”, “Мишээл экспо”, “Жи эм жи” худалдааны төвүүд “Барилга байгууламжийг ашиглалтад оруулах тухай” улсын комиссын акт гаргуулаагүй, цахилгаан, дулааны техникийн аюулгүй ажиллагааны дүрмийг зөрчсөн байжээ. Ялангуяа хүнсний худалдааны төвүүдийн 71 хувь нь хурдан муудах хүнсний бүтээгдэх үүнийг технологийн дагуу хадгалдаггүй, эрүүл ахуйн наад захын шаардлага хангаагүй байсан байна. Нийт 424 зөрчил илэрч, 53 аж ахуйн нэгж, албан тушаалтан, иргэнд 11.9 сая төгрөгийн торгууль ногдуулсан аж. Түүнчлэн “Барилга байгууламжийг ашиглалтад оруулах тухай” улсын комиссын акт гаргуулаагүй үйл ажиллагаа явуулж буй “Нарантуул”, “Барс импекс” компанийн “Барс-1”, ”Барс-2”, “Тоса”, байгаль орчинд нөлөөлөх байдлын үнэлгээ хийлгээгүй “Өгөөмөр”, “Мишээл экспо”, “Дүнжингарав” зэрэг худалдааны төвийн үйл ажиллагааг хэсэгчлэн болон нэгбүрчлэн хаахаар болсон байна.